

Harry Redknapp, knattspyrnustjóri Portsmouth, segist ekki hafa sett niður neinn óskalista af leikmönnum sem hann vill fá til síns liðs í janúar, en að hann muni ábyggilega fá einhverja leikmenn til að styrkja liðið. Redknapp segir markmið félagsins hafa breyst eftir gott gengi það sem af er leiktíð.
Lið New Jersey Nets í NBA-deildinni hefur orðið fyrir miklu áfalli því einn þeirra besti leikmaður, Nenad Kristic, er með slitin krossbönd og mun ekki spila meira með á þessu tímabili. Hinn 23 ára gamli Serbi hefur skorað rúm 16 stig og tekið sjö fráköst á tímabilinu.
Jose Mourinho, stjóri Chelsea, hefur varað kollega sinn hjá Manchester United, Sir Alex Ferguson, við því að meistararnir verði mun sterkari á síðari hluta keppnistímabilsins en þeir hafi verið á þeim fyrri. Enn fremur segir Mourinho Man. Utd. hafa verið heppna því ”allt hafi gengið upp hjá þeim.”
Samkvæmt fregnum frá Englandi í morgun er Aston Villa að undirbúa 12 milljón punda tilboð í Jermain Defoe, framherja Tottenham, um leið og leikmannaglugginn opnar í byrjun janúar.
Alan Pardew hefur verið ráðinn þjálfari Charlton í ensku úrvalsdeildinni og tekur hann við starfi Les Reed, sem var sagt upp síðdegis á aðfangadag. Pardew er þriðji knattspyrnustjórinn hjá Charlton á þessari leiktíð.
Rafael Benitez, stjóri Liverpool, gaf sterklega í skyn í viðtali við enska dagblaðið The Mirror fyrir helgi að hann hyggist nota fyrirliða sinn Steven Gerrard á miðjunni, en ekki hægri kantinum eins og hann gerði framan af tímabilinu. Gerrard hefur skorað fjögur mörk í sex leikjum frá því að hann fór á miðja miðjuna.
Sir Alex Ferguson, stjóri Manchester United, skaut léttum skotum að kollega sínum hjá Chelsea, Jose Mourinho, eftir sigurinn gegn Aston Villa í fyrradag og sagði stöðuna í deildinni sanna að ekki mætti taka mark á ummælum Portúgalans. Mourinho hafði áður sagt að Chelsea yrði í toppsæti ensku úrvalsdeildarinnar þegar jólin gengju í garð.
Rússneski auðkýfingurinn Roman Abramovich segir í viðtali við hið virta dagblað The Observer í Bretlandi að hann hyggist draga úr fjárveitingum til leikmannakaupa hjá félaginu á næstunni og leggja traust sitt á ungu leikmennina hjá félaginu. Rússinn kemur víða við í viðtalinu og greinir einnig frá sambandi sínu við Jose Mourinho.
Arsene Wenger, knattspyrnustjóri Arsenal, var virkilega ánægður með frammistöðu sinna manna í 6-2 sigurleiknum á Blackburn í gær. Wenger sagði að áhorfendum á Emirates-leikvanginum hefði verið skemmt.
Jose Mourinho, knattspyrnustjóri Chelsea, þakkaði jólasveininum fyrir sigurinn á Wigan í gærkvöldi. Portúgalski stjórinn sagði lið sitt ekki hafa átt skilið að hirða öll stigin þrjú. Arjen Robben skoraði sigurmarkið í 3-2 sigri á 93. mínútu leiksins.
Rafael Benitez, knattspyrnustjóri Liverpool, fannst lið sitt eiga sigurinn skilinn gegn Watford í ensku úrvalsdeildinni í gær. Liverpool sigraði 2-0 þrátt fyrir að hafa ekki náð að sýna sitt rétta andlit. Benitez hrósaði Craig Bellamy sérstaklega.
Inter Milan jafnaði í gær met í ítölsku A-deildinni í fótbolta þegar liðið vann sinn 11 sigur í röð. Þá lagði liðið Atalanta af velli, 2-1, en Roma náði samskonar sigurgöngu á síðustu leiktíð. Inter er langefst á Ítalíu þegar farið er í jólafrí, eða með sjö stiga forystu.
Guðjón Valur Sigurðsson og Snorri Steinn Guðjónsson skoruðu sjö mörk hvor þegar Gummerbach bar sigurorð af Minden í viðureign liðanna í þýsku úrvalsdeildinni í handbolta í gær. Með sigrinum komst Gummersbach upp að hlið Hamburg í þriðja sæti deildarinnar, tveimur stigum á eftir toppliðum Flensburg og Kiel.
Heimsmetið í 100 metra hlaupi karla getur verið bætt umtalsvert, eða allt niður í 9,29 sekúndur. Þetta er meðal þess sem kemur fram í nýrri rannsókn háskóla í Þýskalandi. Núverandi heimsmet Asafa Powell er 9,77 sekúndur.
Rashard Lewis, framherji og lykilmaður Seattle í NBA-deildinni í körfubolta, verður frá í að minnsta kosti tvo mánuði eftir að hafa gengist undir aðgerð á hendi á föstudag.
Tim Benjamin, fremsti 400 metra hlaupari Bretlands, segir að hann hafi aldrei kynnst öðru eins æfingaálagi eins og undir stjórn síns nýja þjálfara. Sá er enginn annar en Colin Jackson, fyrrum heimsmeistari og heimsmethafi í 110 metra grindahlaupi.
Enn einu sinni tryggði Chelsea sér sigur í ensku úrvalsdeildinni á elleftu stundu og gegn Wigan í dag var það Hollendingurinn Arjen Robben sem reyndist hetjan. Hann skoraði þriðja og síðasta markið í 3-2 sigri Chelsea þegar þrjár mínútur voru komnar yfir venjulegan leiktíma.
Harry Kewell, ástralski miðjumaðurinn hjá Liverpool, hefur viðurkennt að eilíf meiðsli geri tilveruna afar erfiða og að hann hafi í nokkurn tíma átt mjög erfitt. Kewell er á hægum batavegi eftir aðgerð á fæti og er ekki sérlega bjartsýnn upp á framhaldið að gera.
Suður-Kóreu maðurinn Kyung-Shin Yoon átti magnaðan leik fyrir Hamburg gegn Lemgo í þýsku úrvalsdeildinni í handbolta í dag og skoraði alls 18 mörk. Hamburg sigraði í leiknum á útivelli, 37-33.
Spútniklið enska deildabikarsins í ár, Wycombe Wanderes, mætir Chelsea í undanúrslitum keppninnar, en dregið var í dag. Tottenham mætir sigurvegaranum í viðureign Liverpool og Arsenal.
Spretthlaupararnir Asafa Powell og Sanya Richards frá Jamaíku voru í gær valin frjálsíþróttafólk ársins af tímaritinu Track & Fields, því virtasta og útbreiddasta innan frjálsíþróttaheimsins.
Leikmenn ensku úrvalsdeildarinnar eru komnir í jólaskap, ef eitthvað má lesa úr öllum þeim fjölda marka sem leit dagsins ljós í umferð dagsins. Engar breytingar urðu í toppslag deildarinnar þar sem öll helstu liðin unnu leiki sína.
Viggó Sigurðsson mátti þola tap í sínum síðasta leik sem þjálfari Flensburg í þýska handboltanum í dag. Lið hans sótti þá meistara Kiel heim og lá naumlega, 36-34. Með sigrinum komst Kiel að hlið Flensburg á toppi þýsku úrvalsdeildarinnar.
Arsene Wenger, stjóri Arsenal, spáir því að árið 2007 eigi eftir að verða Theo Walcott, 17 ára leikmanni liðsins, einstaklega gæfuríkt. Wenger gengur svo langt að spá Walcott landsliðssæti á árinu.
Michael Essien hefur átt einn stærsta þáttinn í velgengni Chelesa það sem af er leiktíð, að sögn Didier Drogba, framherja liðsins. Drogba ausar lofi yfir Essien og segir hann jafn mikilvægan liðinu og John Terry og Frank Lampard.
Sir Alex Ferguson, stjóri Manchester United, telur að Louis Saha hafi fyllt skarðið sem Ruud van Nistelrooy skildi eftir í framlínu liðsins í sumar og gott betur. Saha hefur skorað átta mörk í þeim 15 leikjum sem hann hefur byrjað inn á í ár.
Roberto Mancini, þjálfari Inter á Ítalíu, hlær að öllum samsæriskenningum þess efnis að leikmenn liðsins njóti friðhelgi hjá dómurum deildarinnar. Nokkur umræða hefur verið á Ítalíu þess efnis að Inter sé í náðinni hjá hinum ýmsu dómurum, einhverra hluta vegna.
22 stig og tíu stoðsendingar frá Allen Iverson dugðu ekki fyrir Denver í nótt þegar liðið beið í lægri hlut fyrir Sacramento í NBA-deildinni, 101-96. Þetta var fyrsti leikur Iverson fyrir sitt nýja lið. 15 leikja sigurhrinu Pheonix lauk ennfremur í nótt.
Djibril Cisse, franski sóknarmaðurinn sem er í láni hjá Marseille frá Liverpool, hefur jafnað sig eftir fótbrot og er strax byrjaður að minna á sig. Í gærkvöldi skoraði hann sigurmark Marseille í 2-1 sigri á St. Etienne í frönsku úrvalsdeildinni. Þetta var fyrsta mark Cisse á tímabilinu.
Alan Curbishley, sem Eggert Magnússon réð sem knattspyrnustjóra West Ham fyrir skemmstu, óttast að félagið muni eiga erfitt með að sannfæra leikmenn um að ganga til liðs við það þegar leikmannamarkaðurinn opnar að nýju í janúar, vegna slakrar spilamennsku liðsins í ár.