Dómsmál

Dómsmál

Fréttir af málum sem rata fyrir dómstóla.

Fréttamynd

Sæ­var las upp yfirlýsingu: „Ég treysti á­kæru­valdinu ekki“

Sævar Hilmarsson, sem ákærður er fyrir skipulagningu innflutnings fíkniefna í Dettifossmálinu svokallaða, neitaði að svara spurningum sækjanda málsins þegar hann gaf skýrslu við aðalmeðferð þess. Þess í stað las hann upp yfirlýsingu þar sem hann lýsti yfir sakleysi sínu og sagðist ekki treysta því að hann fengi réttláta málsmeðferð af hálfu ákæruvaldsins.

Innlent
Fréttamynd

Fréttir af dagsleyfi kynferðisbrotamanns slógu ráð­herra illa

Endurskoða þarf lög svo menn sem dæmdir hafa verið fyrir gróf kynferðisbrot gegn börnum fái ekki dagsleyfi svo skömmu síðar, að mati dómsmálaráðherra. Hún segir eitthvað að lögunum ef þau heimili að menn sem dæmdir hafa verið fyrir gróf kynferðisbrot gegn börnum fái dagsleyfi eftir svo stutta afplánun. Lögin megi ekki særa réttarvitund almennings. Gera þurfi greinarmun eftir því fyrir hvaða brot menn séu dæmdir, bæði við veitingu dagsleyfa og þegar komi að því hversu lengi þeir afpláni áður en þeir fái reynslulausn.

Innlent
Fréttamynd

Blóð­taka úr hryssum telst til­raun á dýrum

EFTA-dómstóllinn hefur sent Héraðsdómi Suðurlands ráð um að túlka skuli blóðtöku úr fylfullum hryssum sem tilraun á dýrum. Blóðtakan falli því undir Evróputilskipun en á grundvelli hennar var fyrirtæki neitað um leyfi til blóðmerahalds.

Innlent
Fréttamynd

Þögull sem gröfin um Sæ­var

Annar skipverjanna í Dettifossmálinu svokallaða segist einfaldlega hafa verið að fylgja fyrirmælum þegar hann náði í fjórtán lítra af ætluðum amfetamínbasa í Þýskalandi og flutti til Íslands. Hann vill ekkert tjá sig um samskipti sín við Sævar Hilmarsson, sem grunaður er um að hafa skipulagt innflutninginn.

Innlent
Fréttamynd

„Ég myndi segja að ég væri burðar­dýr“

Annar skipverjanna í Dettifossmálinu svokallaða segist hafa fengið áfall þegar hann tók við flöskum af amfetamínbasa í Bremerhaven í Þýskalandi. Honum hafi verið tjáð að um sjö lítra af efnum yrði að ræða en þeir reyndust fjórtán. Í hita leiksins hafi ekki verið um annað að ræða en að taka allar flöskurnar, hann hafi verið að verða seinn í vinnuna. 

Innlent
Fréttamynd

Upp­nám í Dettifossmálinu vegna ó­vænts gagns

Verjandi Sævars Hilmarssonar, sem er einn ákærðu í Dettifossmálinu svokallaða, mótmælti framlagningu nýrra gagna harðlega þegar þinghald hófst í málinu. Um klukkustundar töf varð á upphafi aðalmeðferðar.

Innlent
Fréttamynd

Gátu ekki gefið skýr svör um mögu­legt ástar­sam­band

Maður og kona hafa hlotið fimm og þriggja mánaða skilorðsbundinn fangelsisdóm fyrir peningaþvætti hér á landi. Bæði eru þau erlendir ríkisborgarar sem fyrir dómara og lögreglu gátu ekki sammælst um hvort þau ættu í ástarsambandi eða ekki.

Innlent
Fréttamynd

Skipu­leggjandi smygls hand­tekinn á Spáni og á­kærður hér

Karlmaður frá Dóminíska lýðveldinu var ákærður í sumar fyrir að hafa skipulagt tvo smyglleiðangra frá Spáni til Íslands, annars vegar í gegnum Þýskaland og hins vegar í gegnum Sviss. Burðardýr í málunum hafa þegar hlotið þriggja ára og 21 mánaða dóma fyrir smyglið. Maðurinn var einn 24 handtekinna í umfangsmikilli aðgerð fjölþjóðlegs lögregluliðs.

Innlent
Fréttamynd

Fangar þurfi að fylgja sam­þykktri dag­skrá í dagsleyfum

Fangar þurfa að skila ítarlegri dagskrá áður en þeir fá dagsleyfi og fallast á þau skilyrði sem leyfinu fylgja. Að sögn Fangelsismálastofnunar liggur áhættumat fyrir þegar um alvarleg brot er að ræða og hægt er að takmarka ferðir fanga og samskipti þeirra við aðra.

Innlent
Fréttamynd

Greip um eistu lög­reglu­manns

Kona á sextugsaldri hefur verið dæmd til tveggja mánaða skilorðsbundinnar fangelsisvistar fyrir brot gegn valdstjórninni og kynferðislega áreitni. Konan greip um kynfæri lögreglumanns þegar hann var að færa hana í fangaklefa.

Innlent
Fréttamynd

Bana­maður Bryn­dísar Klöru kominn á Vernd

Maðurinn sem varð Bryndísi Klöru Birgisdóttur að bana á Menningarnótt fyrir tveimur árum afplánar nú á áfangaheimilinu Vernd í Laugardal í Reykjavík. Hann var í fyrra dæmdur í átta ára fangelsi. 

Innlent
Fréttamynd

Kenndi arabískum sveppasölumönnum um að hleypa af

Maður sem er grunaður um að skjóta annan mann í höndina á heimili síðarnefnda mannsins í Kópavogi í vor vildi í fyrstu meina að fjórir arabískir menn sem hefðu selt þeim sveppi hafi verið að verki. Síðan breytti hann framburði sínum og sagði að um slys hafi verið að ræða.

Innlent
Fréttamynd

„Ég hef nú ekkert verið að gráta yfir þessu“

Helgi Magnús Gunnarsson, fyrrverandi vararíkissaksóknari, segir ekki nóg gert til að verja embættismenn fyrir hótunum og ofbeldi. Hann telur að Mohamad Th. Jóhannesson, áður Kourani, geti komist aftur til landsins þrátt fyrir endurkomubann en efast um að hann hafi áhuga á því. 

Innlent
Fréttamynd

„Ég mun stúta þér og ein­hver skilar sér ekki í skólann“

Karlmaður var dæmdur í skilorðsbundið fangelsi fyrir að hafa ráðist á fyrrverandi sambýliskonu sína, síðan hótað henni ítrekað og nálgast hana og börn hennar þrátt fyrir nálgunarbann. Hann bar á hana ásakanir um fósturmissi sem hann sagði hafa verið viljandi af hennar hálfu og hótaði að „taka tvö“ börn frá henni líkt og hann taldi konuna hafa tekið frá sér eigin börn. Einnig birti hann myndband á TikTok undir reikningi í hennar nafni þar sem hann hafði látið sviðsetja „bölvunarathöfn“ og óskað henni þar dauða og þjáningar.

Innlent
Fréttamynd

Tvíkjálkabraut konuna en sleppur við fangelsi

Karlmaður á fertugsaldri hefur verið dæmdur til fimm mánaða fangelsisvistar, sem er bundin skilorði til tveggja ára, fyrir kýla sambýliskonu sína með þeim afleiðingum að hún tvíkjálkabrotnaði. Við ákvörðun refsingar var meðal annars litið til þess að hann hefði látið af áfengisneyslu aftir árásina.

Innlent
Fréttamynd

Dæmdir fyrir að sprengja heimagerða sprengju í Múlagöngum

Tveir karlmenn á sextugsaldri hafa verið dæmdir í fimm og sex mánaða skilorðsbundið fangelsi fyrir að búa til og sprengja heimagerða sprengju í Múlagöngum í mars 2021. Tveir aðrir voru ákærðir í málinu en þeir létust á meðan málsfrelið stóð yfir.

Innlent
Fréttamynd

Fjöldi mennta­skóla­nema sá mynd­skeið af á­rásinni

Hvorki sakborningar né brotaþoli í Höfðatorgsmálinu svokallaða kannast við að þekkjast, þrátt fyrir að samskipti þeirra fyrir árásina hafi verið borin undir þá í gær. Þeir vísuðu allir á bug að árásin tengdist fíkniefnaviðskiptum.

Innlent
Fréttamynd

„Ég er hræddur við þessa menn“

Brotaþoli í Höfðatorgsmálinu svokallaða segist hafa talið sig myndu deyja í kjölfar þess að ekið var á hann, hann barinn og stunginn í rasskinn. Hann segist hræddur við meinta árásarmenn og menn sem tengjast þeim. Hann hafi aðeins farið í bílakjallarann til að ræða við einn ákærðu á rólegu nótunum og hann hafi ekki vitað af vopnum sem meðreiðarsveinar hans höfðu með í för.

Innlent
Fréttamynd

Ætlaður hnífur sé tann­bursti sem hafi róandi á­hrif

Mohamed Sayidali Ahmed, sem er gefið að sök að hafa stungið brotaþola í Höfðatorgsmálinu svokallaða í rasskinn, segist hafa verið í bílakjallaranum til þess að reykja kannabis. Skyndilega hafi átök brotist út og hann hafi flækst í þau þegar hann reyndi að stöðva þau. Þá segir hann það sem ákæruvaldið telur að sé hnífur vera afrískan tannbursta, sem hann noti til að koma í veg fyrir að hann nagi neglurnar.

Innlent
Fréttamynd

Hafi sest upp í bílinn fyrir mis­tök

Qossay Ali Yahya Alsadi, sem sætir ákæru fyrir tilraun til manndráps í félagi við tvo aðra í bílakjallara undir Höfðatorgi, segist engan hafa barið umrætt kvöld. Hann hafi komið í bílakjallarann fyrir tilviljun og óvart sest inn í bíl sem hafði skömmu áður verið ekið á brotaþola á mikilli ferð.

Innlent
Fréttamynd

Höfum setið eftir í bar­áttu við glæpa­hópa

Lögregla fengi meira svigrúm til að rannsaka skipulagða brotahópa samkvæmt nýjum frumvarpsdrögum dómsmálaráðherra. Meðal annars yrði auðveldara að leita í símum, leggja hald á eignir og hefja símhlustun þegar hætta er á að mikilvæg gögn glatist. Karl Steinar Valsson yfirlögregluþjónn segir núverandi lög ekki passa við það hvernig brotahópar starfa í dag.

Innlent
Fréttamynd

Fái að hlera og spyrja svo

Dómsmálaráðherra boðar hertari löggjöf gegn skipulagðri brotastarfsemi. Breytingarnar felast meðal annars í þyngri refsingu, lengra gæsluvarðhaldi og að lögreglu verði heimilt að ráðast í rannsóknaraðgerðir áður en dómari hefur veitt leyfi. Þá megi lögregla bíða í allt að sex vikur áður en hún afhendir verjendum gögn.

Innlent
Fréttamynd

Eig­endur Santé neita sök

Eigendur netverslunarinnar Santé neita báðir sök í máli þar sem þeir eru ákærðir fyrir brot á áfengislögum og peningaþvætti. Málið var þingfest í Héraðsdómi Reykjavíkur í dag.

Innlent

Mest lesið