Efna­hags­málin, SÁÁ og skítapotturinn á Sprengi­sandi

Gestalistann skipa þau Edda Björgvinsdóttir leikkona, Daði Már Kristófersson fjármálaráðherra, Þóra Björk Ingólfsdóttir, sálfræðingur og fagstjóri á Vík, og þingmennirnir Stefán Vagn Stefánsson og Arna Lára Jónsdóttir.

Páll ræðir við Eddu Björgvinsdóttur, meðal annars um persónuna Guðríði. Edda bregður sér af og til í hlutverk kvóta-, banka- og baðlónseigandans Guðríðar og gerir stólpagrín að málefnum líðandi stundar við mikinn fögnuð þúsunda aðdáenda bæði Eddu og Guðríðar.

Þátturinn er á Bylgjunni alla sunnudaga frá klukkan tíu til tólf en hann er einnig að finna hér á Vísi.

Daði Már Kristófersson ræðir efnahagsmálin og pólitíkina í ítarlegu viðtali. Þá ræðir Páll við Þóru Björk Ingólfsdóttur, sálfræðing og fagstjóra á Vík, um upplausn innan SÁÁ en Þóra var ein þeirra sem gekk á dyr þegar ósætti skapaðist innan samtakanna.

Stefán Vagn Stefánsson, þingmaður Framsóknar, og Arna Lára Jónsdóttir, þingmaður Samfylkingarinnar, ræða við Pál um það sem er efst á baugi í pólitíkinni. „Þar mun örugglega meðal annars bera á góma „skítapottinn“ á Alþingi,“ segir Páll Magnússon, þáttastjórnandi Sprengisands, í færslu á Facebook-síðu sinni.