Innlent

Játar inn­brot í búin

Árni Sæberg skrifar
Karlmaður á þrítugsaldri hefur játað að hafa brotist inn í bú Stjörnugríss á Kjalarnesi og fleiri bú.
Karlmaður á þrítugsaldri hefur játað að hafa brotist inn í bú Stjörnugríss á Kjalarnesi og fleiri bú. Vísir/Vilhelm

Lögreglan á höfuðborgarsvæðinu hefur upplýst innbrot og eignaspjöll í húsnæði Stjörnugríss á Kjalarnesi og Reykjabúið í Mosfellsbæ ásamt fleiri innbrotum í önnur bú á Suðurlandi og Kjalarnesi.

Í fréttatilkynningu þess efnis segir að karlmaður á þrítugsaldri hafi verið handtekinn og hann hafi játað umrædd brot.

Fyrst var brotist inn í svínabú Stjörnugríss í Brimnesi á Kjalarnesi aðfaranótt mánudagsins 11. maí en síðar í Reykjabú í Mosfellsbæ, þar sem ræktaðir eru kalkúnar og kjúklingar, aðfaranótt mánudagsins 1. júní. Annað innbrot var svo framið í sama svínabú í byrjun þessa mánaðar.

Þá var einnig brotist inn í minkabúið Dalsbú í Mosfellsdal í lok júlí með þeim afleiðingum að mikinn fjöldi minka gekk laus um Mosfellsdal og nágrenni. Í tilkynningu lögreglu segir að það innbrot sé enn til rannsóknar og rannsókn þess miði vel vel. Frekari upplýsingar um Dalsbú verði ekki veittar að svo stöddu.

Veistu meira um málið? Þú getur sent okkur fréttaskot hér.

Fréttin hefur verið uppfærð.

Dýr Dýraheilbrigði Reykjavík Mosfellsbær Innbrot í kjúklinga-, svína- og minkabú

Mest lesið


Fleiri fréttir

Sjá meira


×

Mest lesið