ÍBV hreppir Magnús Dag frá KA

Magnús Dagur er aðeins 19 ára, sonur Jónatans Magnússonar fyrrverandi leikmanns og þjálfara KA, en hefur þegar leikið 81 leik fyrir KA í meistaraflokki. Hann skoraði 44 mörk í 22 leikjum á síðustu leiktíð í Olís-deildinni, eða tvö mörk að meðaltali í leik, og gerði fjögur mörk í sigrinum gegn HK í fyrstu umferð þessarar leiktíðar.

Magnús Dagur er uppalinn hjá KA og vann fjölda titla með yngri flokkum félagsins, þar á meðal hið virta Partille Cup þar sem sterkustu lið Norðurlandanna taka þátt.

Hann verður tvítugur í nóvember og hefur leikið með öllum yngri landsliðum Íslands. Nú síðast lék hann á EM í Rúmeníu í sumar, með U20 ára landsliðinu.