Ari Leifs­son í Stjörnuna

Stjörnumenn tilkynntu Ara í kvöld en hann spilaði síðast með Kolding í Danmörku en þar áður með Strömsgodset í Noregi.

Ari er uppalinn Fylkismaður en hann er 28 ára og 193 sentimetra miðvörður og mun styrkja miðja vörn Stjörnumanna.

Ari lék síðast í íslensku deildinni sumarið 2019 þegar hann lék 22 leiki með Fylki. Hann hefur spilað 46 leiki í efstu deild á Íslandi en á enn eftir að skora. 

Stjörnumenn hafa fengið á sig 31 mark í aðeins 14 leikjum í Bestu deildinni í sumar og því mikilvægt að fá öflugan og reyndan leikmann inn í vörnina.