R. Kelly biðlar til Trump um að milda fangelsisdóminn

Kelly fer ekki fram á að vera náðaður.

Lögmaður tónlistarmannsins, Beau Brindley, fór þess á leit fyrir ári að Kelly yrði látinn laus úr alríkisfangelsi og látinn afplána eftirstöðvar dómsins í stofufangelsi. Sagði hann líf tónlistarmannsins í hættu. Með umsókninni fylgdi vitnisburður fanga sem sagði embættismenn hafa boðið sér lausn gegn því að bana Kelly.

Brindley sagði síðar að tónlistarmaðurinn hefði verið settur í einangrun til að refsa honum fyrir umsóknina. Lögmaðurinn hefur einnig sagt Trump í einstakri stöðu til að setja sig í spor Kelly, þar sem hann hafi einnig sætt ofsóknum af hálfu ákæruvaldsins.