Skemmdar­vargar máluðu yfir regn­bogafánann

Slík skemmdarverk hafa áður verið framin á fánalituðum tröppum við kirkjuna. Árið 2022, á svipuðum tíma árs í aðdraganda Hinsegin daga sem fara fram í byrjun ágúst, sagði Vísir frá því að skemmdarverk hefði verið unnið á sama fána með því að spreyja yfir hann: „Andkristur!“ (e. Antichrist!).

Eftir að sænsk fjölskylda hafði af góðmennskunni einni lagfært fánann var á ný krotað yfir hann, í þetta skipti Levitikus 20:13, sem er vísun í vers í þriðju Mósebók Biblíunnar sem segir að dauðarefsins liggi við samkynja kynlífi.

Þáverandi sóknarprestur Grafarvogskirkju, og nú biskup, Guðrún Karls Helgudóttir sagði að athæfið yrði kært til lögreglu. Guðrún hefur látið sig málefni hinsegin fólks varða og hefur meðal annars sagt frá því að dóttir hennar sé trans. 

Seinna sama sumar, í ágúst 2022, var greint frá fleiri skemmdarverkum þegar hinsegin fánar voru skornir niður af fánastöngum við stöð Orkunnar í Suðurfelli.