Innlent

Gotta-rennibraut lokað vegna slysa­hættu

Lovísa Arnardóttir skrifar
Rennibrautin er alveg lokuð og nokkuð brött niður.
Rennibrautin er alveg lokuð og nokkuð brött niður. Árborg

Vegna slysahættu hefur Gotta-rennibrautinni í sundlauginni á Selfossi verið lokað. Í tilkynningu frá sveitarfélaginu Árborg kemur fram að rennibrautinni hafi verið lokað tímabundið vegna slysa barna. 

„Rennibrautin verður lokuð um óákveðinn tíma á meðan unnið er að því að fara yfir öryggismál og leita lausna til að tryggja örugga notkun hennar í framtíðinni. Við leggjum ríka áherslu á öryggi gesta okkar og þökkum fyrir skilning og þolinmæði á meðan unnið er að úrbótum,“ segir í tilkynningu sveitarfélagsins.

Í athugasemdum við tilkynninguna segja nokkrir íbúar að tímabært sé að fjarlægja rennibrautina.

„Gotti er búinn að vera að rota börn síðustu 20 ár allavega,“ segir ein á meðan aðrir kalla eftir nýjum rennibrautum.

Árborg Sundlaugar og baðlón Slysavarnir Börn og uppeldi

Mest lesið


Fleiri fréttir

Sjá meira


×

Mest lesið