Innlent

Banda­ríkja­stjórn lokar á að­gang er­lendra ríkis­borgara

Áróra L Davíðsdóttir skrifar
Anthropic er eitthvað verðmætasta sprotafyrirtæki heimsins.
Anthropic er eitthvað verðmætasta sprotafyrirtæki heimsins. AP/Patrick Sison

Bandarísk stjórnvöld hafa gert tæknirisanum Anthropic að loka fyrir aðgang erlendra ríkisborgara að nýjasta gervigreindarlíkani Claude. Íslenskir notendur hafa ekki getað notað líkanið síðan í gær. 

Anthropic hefur því lokað fyrir aðgang allra viðskiptavina að nýjasta og öflugasta líkani fyrirtækisins. Um er að ræða Claude-líkönin Fable 5 og Mythos 5. Þetta segir í tilkynningu frá Anthropic.

Bann bandarískra stjórnvalda nær einnig til erlendra ríkisborgara búsettra í Bandaríkjunum og starfsmanna fyrirtækisins sjálfs með erlendan ríkisborgararétt. Íslenskir notendur Claude hafa vakið athygli á því við fréttastofu að þeir geti ekki lengur notað líkönin.

Anthropic segir í tilkynningunni að forsvarsmenn fyrirtækisins skilji það sem svo að ríkið telji sig hafa fundið aðferð til þess að komast hjá öryggiskerfi líkansins til að hagnýta það til illra verka.

Tækni Bandaríkin Gervigreind

Tengdar fréttir

Gífurlegir hagsmunir í húfi ef tæknin kemst í rangar hendur

Nýjasta gervigreindarlíkan tæknirisans Anthropic er umtalvert öflugra en núverandi tækni. Með hjálp líkansins hafa fundist yfir þúsund öryggisbrestir og veikleikar í þekktum stýrikerfum og vöfrum. Dósent í tölvunarfræði segir tímaspursmál hvenær slík tækni endar í röngum höndum sem gæti haft geigvænlegar afleiðingar.

Anthropic nær forskoti í kapphlaupinu gegn OpenAI

Forsvarsmenn gervigreindarfyrirtækisins Anthropic hófu í gær formlega undirbúning fyrir hlutafjárútboð. Fyrirtækið gæti verið komið á hlutabréfamarkað fyrir haustið en eigendur þess og eigendur OpenAI eru í keppni um hverjir verða fyrstir.

Mest lesið


Fleiri fréttir

Sjá meira


×

Mest lesið