Landsliðstríóið í úr­slit um þýska titilinn

Blomberg-Lippe mætti Thüringer í undanúrslitarimmu en eftir að liðin höfðu unnið sinn leikinn hvort á heimavelli þá vann Blomberg-Lippe öruggan sigur í oddaleiknum, á heimavelli, 35-24.

Blomberg-Lipper er deildarmeistari og það er afar dýrmætt fyrir liðið að hafa heimavallarréttinn gegn Dortmund í úrslitaeinvíginu. Íslendingaliðið hefur nefnilega ekki tapað einum einasta leik í heimahöllinni sinni á leiktíðinni, í öllum keppnum.

Á því varð engin breyting í oddaleiknum í dag og sigurinn afar öruggur eins og yfrr segir. Elín Rósa Magnúsdóttir skoraði fjögur mörk úr fimm skotum í leiknum og þær Díana Dögg Magnúsdóttir og Andrea Jacobsen sitt markið hvor.