Ómar Ingi marka­hæstur á leið í úrslitahelgina

Gísli Þorgeir Kristjánsson, Ómar Ingi Magnússon og Elvar Örn Jónsson munu því spila á Final Four helginni í Köln í byrjun júní. Þar verður Viktor Gísli Hallgrímsson einnig með Barcelona en liðin mættust einmitt í undanúrslitunum í fyrra.

Aalborg og Fuchse Berlin eru einnig komin í undanúrslit en dregið verður þann 19. maí.

Meistararnir frá Magdeburg unnu átta liða úrslita einvígið gegn Pick Szeged mjög sannfærandi. Fyrri leikurinn vannst 28-35 á útivelli og seinni leikinn í kvöld 45-37 á heimavelli.

Þetta var mikill markaleikur en staðan stóð 23-19 í hálfleik og seinni hálfleikurinn var á pari við þann fyrri. Þar hafði mikil áhrif að Mario Sostaric, einn besti varnarmaður Pick Szeged, fékk rautt spjald undir lok fyrri hálfleiks.

Ómar Ingi fór fremstur í flokki Magdeburg og skoraði 8 mörk en Janus Daði Smárason var markahæstur hjá Pick Szeged með 7 mörk.

Eins og lokatölur gefa til kynna var markvarslan lítil sem engin en samtals vörðu markmenn Magdeburg 11 skot og markmenn Pick Szeged aðeins 9 skot.

Gísli Þorgeir skoraði 5 mörk fyrir Magdeburg og gaf einnig 5 stoðsendingar. Elvar Örn Jónsson skoraði 2 mörk fyrir Magdeburg.