Loka­tölur á Akra­nesi: Meiri­hlutinn missti mann en heldur

Sjálfstæðisflokkurinn heldur sínum þremur mönnum en Samfylkingin missir einn mann og nær tveimur mönnum. Framsókn nær tveimur mönnum, missir einn, en bæði Viðreisn og Miðflokkur ná sitt hvorum manninum inn í bæjarstjórn.

Á kjörskrá á Akranesi eru 6.296 manns. Níu bæjarfulltrúar eiga sæti í bæjarstjórn.

Eftir bæjarstjórnarkosningarnar árið 2022 mynduðu Samfylking og Sjálfstæðisflokkur meirihluta þar sem Sævar Freyr Þráinsson var ráðinn til að gegna áfram embætti bæjarstjóri. Hann hætti á kjörtímabilinu og var Haraldur Benediktsson þá ráðinn bæjarstjóri. Haraldur lét svo af störfum nú á vordögum.

Kosningarnar fóru á þennan veg:

• B listi - Framsókn og frjálsir: 23,2 prósent og tvo fulltrúa
• C listi – Viðreisn: 10,3 prósent og einn fulltrúa
• D listi – Sjálfstæðisflokkurinn: 35,2 prósent og þrjá fulltrúa
• M listi – Miðflokkurinn: 23,2 prósent og tvo fulltrúa
• S listi – Samfylkingin: 22,4 prósent og tvo fulltrúa

Eftirfarandi fulltrúar eiga nú fulltrúa í bæjarstjórn Akraness:

• Ragnar Baldvin Sæmundsson (B)
• Liv Aase Skarstad (B)
• Jón Guðni Guðmundsson (C)
• Líf Lárusdóttir (D)
• Bjarnheiður Hallsdóttir (D)
• Guðmundur Ingþór Guðjónsson (D)
• Hrafn Ágúst Björnsson (M)
• Sigurður Vopni Vatnsdal (S)
• Jónína Margrét Sigmundsdóttir (S)

Athugasemd: Í upphaflegri útgáfu fréttarinnar sagði að meirihlutinn væri fallinn. Það er ekki rétt. Beðist er velvirðingar á þessu.