Viðar lagði upp mark í öruggum sigri á KFUM-liðinu

HamKam komst í 2-0 í fyrri hálfleik eftir að hafa fengið tvær vítaspyrnur sem Henrik Udahl skoraði úr á 24. og 41. mínútu.

Þegar seinna vítið var dæmt fékk Sander Sjökvist hjá KFUM einnig rauða spjaldið og HamKam var því manni fleiri í meira en fimmtíu mínútur.

Viðar Ari lagði upp þriðja markið fyrir Senegalann Mame Alassane Niang á 50. mínútu.

Niang átti eftir að bæta við sínu öðru marki á 81. mínútu en hann er aðeins tvítugur.

Viðar spilaði sem hægri bakvörður en var tekinn af velli á 73. mínútu.

HamKam vann í fyrstu umferðinni en hafði síðan tapað tveimur leikjum í röð. Þessi sigur kemur liðinu upp í níunda sæti deildarinnar.