Stúkan: Skaga­menn voru rændir af dómaranum

Sérfræðingar Stúkunnar gátu sammælst um þetta þegar þáttastjórnandinn Kjartan Atli Kjartansson bar erindið upp. Það gerði Kjartan eftir mikla eldræðu hjá Lárusi Orra, þjálfara ÍA.

Skiljið þið gremju Lárusar Orra?

„Já ég geri það, svo sannarlega. Skaginn var búinn að liggja á Blikunum þarna, í leit að marki, og samkvæmt þessum myndum áttu þeir að fá víti til að jafna leikinn,“ svaraði Halldór Árnason.

Til að jafna leikinn, sagði Halldór, en Breiðablik hafði tekið forystuna eftir vitlausan vítaspyrnudóm.

„Skotið fer í lærið og rúllar einhvern veginn upp í höndina. Fyrir mér er þetta alls ekki víti,“ sagði Baldur Sigurðsson um vítið sem Breiðablik fékk.

Umræðuna úr Stúkunni má sjá í spilaranum hér fyrir neðan.