Oliver keyptur til KA

Oliver er 25 ára gamall ógnarsnöggur sóknarmaður sem vakti verðskuldaða athygli með liði ÍBV á árunum 2023-25. Þaðan fór hann út í atvinnumennsku til Zagreb en nú hefur hann snúið heim á ný og mun leika með Akureyrarliðinu í Bestu deildinni í sumar.

Þar áður lék hann með FH sumrin 2021 og 2022 en Oliver sem er uppalin í Þrótti Reykjavík hóf meistaraflokksferil sinn í Laugardalnum.

Faðir Olivers er enginn annar en norðlendingurinn Heiðar Helguson sem gerði garðinn frægan með Watford, Fulham, Bolton, QPR og Cardiff í enska boltanum auk þess að leika 55 A-landsleiki fyrir Íslands hönd og á Oliver því ekki langt að sækja knattspyrnuhæfileikana.

Næsti leikur KA er gegn Víkingi á föstudaginn kemur.