Fær bréf upp á hálfan milljarð í arf

Samkvæmt kauphallartilkynningu fær Auður tæplega 5,8 milljónir hluta í Hampiðjuni í fyrirframgreiddan arf en þar sem hver hlutur er metin 89 krónum á markaðsvirði nemur heildarvirði fyrirframgreidda arfsins um 512 milljónum íslenskra króna. Viðskiptablaðið greindi fyrst frá.

Hún er dóttir Ingibjargar Björnsdóttur og Árna Vilhjálmssonar, hagfræðiprófessors og fyrrverandi stjórnarmanns í HB Granda, sem lést árið 2013. Hann var á sínum tíma einn umsvifamesti maður í íslensku atvinnulífi. 

Viðskiptin áttu sér stað í gær, mánudaginn 23. mars, og þau nema um 0,92 prósenta hlut í Hampiðjunni. 

Ingibjörg, móðir Auðar, átti samkvæmt hluthafaskrá Hampiðjunnar sem var seinast uppfærð á föstudag, 19. mars, um 2,72 prósenta hlut í félaginu, eða 17,3 milljóna hlut.