Fjórðungur Hringvegarins lokaður

Tilkynningar um vegalokanir hafa hrannast inn á umferðarvef Vegagerðarinnar í dag en gular verðurviðvaranir hafa verið í gangi víða um land í dag.

Á Suðurlandi og Suðvesturlandi hefur verið lokað fyrir umferð frá Norðlingaholti og yfir Þrengslaveg og Hellisheiði. 

Einnig hefur verið lokað fyrir 320 kílómetra langan vegkafla Hringvegarins á Suðausturlandi, þar sem þjóðvegurinn er lokaður frá Markarfljóti að Höfn í Hornafirði.  Alls er vegurinn um 1.300 kílómetra og lokunin nær því yfir um fjórðungshlut af veginum.

Á Austurlandi hefur bæði verið lokað fyrir umferð um Fagradal og Fjarðarheiði.

Á Norðurlandi er spáð aukinni úrkomu og vaxandi vindi og hefur óvissustig verið í gildi á Öxnadalsheiði frá klukkan 16. Veginum var lokað lokaði klukkan 17, samkvæmt vef Veðurstofunnar.