Teitur og Elliði unnu Íslendingaslaginn

Lærisveinar Guðjóns Vals Sigurðssonar hjá Gummersbach unnu þarna sinn sjötta sigur í röð. 

Þeir mættu vel gíraðir til leiks í kvöld og voru komnir með fimm marka forystu snemma. Melsungen tókst að ráða sínum ráðum í hálfleik og jafna leikinn í þeim seinni, en Gummersbach sigldi síðan aftur örugglega fram úr.

Teitur Örn Einarsson skoraði þrjú mörk fyrir Gummersbach og Elliði Snær Viðarsson skoraði eitt mark af línunni.

Í liði Melsungen skoruðu Arnar Freyr Arnarsson og Reynir Þór Stefánsson sitt hvort markið.

Með sigrinum komst Gummersbach upp í 5. sæti deildarinnar, Evrópudeildarsætið sem Kiel missti þarna frá sér.