„Fyrst og fremst stoltur af leik­mönnum liðsins“

„Ég er bara fyrst og fremst stoltur af mínum leikmönnum. Þeir gáfu allt sem þeir áttu í verkefnið og það verður ekki af þeim tekið. Við vorum ekki nógu beittir í sóknarleik, sérstaklega í fyrri hálfeik og við komumst aldrei almennilega á flug á sóknarhelmingnum að þessu sinni. 

Spennustigið var svo stundum aðeins of hátt sem er bara eðlilegt og það varð til þess að við vorum of gótöttir á köflum. Þetta er hins vegar reynsla sem fer í bankann hjá ungum leikmönnum liðsins sem voru allir að stíga sín fyrstu skref á svona stóru sviði. 

Við erum komnir skammt á veg í þeirri vegferð sem liðið er á og það eru margar stórar og gleðilegar stundir fram undan hjá bæði hjá þessum leikmönnum og félaginu í heild. Það er ég algjörlega viss um,“ sagði Bjarni hreykinn af sínum mönnum. 

„Við gerðum fullt af góðum hlutum í þessum leik. Náðum að stilla strenginu betur í vörninni í seinni hálfleik og vorum ákveðnari í sóknaraðgerðum. Náðum að hreyfa vörnina betur og teygja á þeim áður en við fórum í árásir og það skilaði betri frammistöðu. 

Við göngum bara stoltir frá borði og nýtum þessa upplifun í næstu verkefni okkar,“ sagði hann aðspurður um hvað hann tæki helst jákvætt út úr þessum leik. 

„Leikmenn mínir munu læra heilan helling af því að taka þátt í þessari bikarviku og draga heilmikinn lærdóm af því að tapa þessum leik. Ég er gríðarlega sáttur við hverfið sem fylkti sér að baki leikmönnum liðsins í þessum tveimur leikjum. 

Það er ómetanlegt fyrir leikmenn og alla sem koma að liðinu að taka þátt í svona þýðingarmiklum leikjum og ég finn það sterkt að félagið langar til þess að komast aftur í svona stöðu aftur sem allra allra fyrst,“ sagði Bjarni.