Fjórir fluttir á sjúkra­hús eftir bílveltu á Suður­landi

Þorsteinn M. Kristinsdóttir, aðalvarðstjóri hjá lögreglunni á Suðurlandi, segir við Vísi að allir fjórir sem voru inni í bílnum hafi verið fluttir á sjúkrahús. Slysið hafi orðið skammt vestan við Núpstað.

Farþegar eru misslasaðir að sögn lögreglu. Einn er slasaðri en hinir en sá er líklega ekki í lífshættu að sögn Þorsteins. Engin börn hafi verið með í ferð.

Ásgeir Erlendsson upplýsingafulltrúi gæslunnar segir að þyrlan hafi verið kölluð út rétt fyrir klukkan 15.

Hún lenti á Landspítalanum í Reykjavík klukkan 17.15 í dag samkvæmt flugkortagögnum.