Víkingur í úr­slit Bose-bikarsins eftir sigur

Valdimar Þór Ingimundarson skoraði gegn sínum gömlu félögum og þá skoruðu Aron Elís Þrándarson og Nikolaj Hansen sitthvort markið. Fjórða mark Víkinga var sjálfsmark Fylkismanns og ekki liggur fyrir á samfélagsmiðlum Víkings hver skoraði mark gestanna í Víkinni.

Fyrir höfðu Víkingar unnið ÍA 5-3 í sama þriggja liða B-riðli mótsins og hafa þeir með þeim tveimur sigrum tryggt sæti sitt í úrslitaleik mótsins.

Víkingur vann mótið í fyrra eftir sigur á KR í úrslitum og getur því varið titil sinn.

Stjarnan og KR mætast í lokaleik A-riðils mótsins á laugardaginn kemur.