Gulli Reynis látinn

„Kæru vinir og vandamenn, hann Gulli okkar lést eftir hetjulega baráttu við krabbamein snemma í morgun á Líknardeild Landspítalans. Fjölskyldan þakkar þann hlýhug sem honum var sýndur í veikindum sínum,“ segir í tilkynningu sem hún setti á Facebook-síðu sína.

Hann lætur eftir sig dóttur og tvö stjúpbörn. Þau heita Jóna Rún Gunnlaugsdóttir og stjúpbörnin heita Dísa Sigurðardóttir og Ingi Þór Pálsson

Gunnlaugur sagði frá því í viðtali við Mannlíf í sumar að hann hefði greinst með krabbamein í fyrra og var sagt í desember í fyrra að lyfin væru hætt að virka á meinið. 

Gunnlaugur var vinsæll trúbador á skemmtistöðum um árabil. Hann fædd­ist 1. des­em­ber 1966 í Reykja­vík. 

For­eldr­ar hans eru Reyn­ir Har­alds­son, múr­ara­meist­ari og leigu­bif­reiðar­stjóri í Reykja­vík, fædd­ur 3. júní 1942, og Jóna Gunn­laugs­dótt­ir, fyrr­ver­andi starfsmaður Rík­is­spít­al­anna, fædd 9. janú­ar 1935. Eldri syst­ur hans eru Hjör­dís Kristjáns­dótt­ir, f. 1960, og Linda Björk Ólafs­dótt­ir, f. 1961. Tví­bura­bróðir hans var Haraldur Reynisson. 

Gunnlaugur hélt þrenna þrenna tónleika til heiðurs tvíburabróður sínum, Haraldi Reynissyni, sem lést árið 2019 aðeins 52 ára. Árið 2021 gaf hann út plötuna Söngur vesturfarans með óútgefnum lögum bróður síns. Fjallað var um útgáfuna á vef RÚV á þeim tíma.