Starfs­maður ríkis­sak­sóknara sagður hafa játað refsi­verð brot

Frá þessu greinir Morgunblaðið, sem segir konuna hafa verið sakaða af fyrrverandi eiginmanni sínum um að hafa beitt móður hans og son líkamlegu ofbeldi.

Samkvæmt frétt Morgunblaðsins á konan að hafa flutt að minnsta kosti tvö mál fyrir Landsrétti á sama tíma og hún bar við andlegum veikindum. Bæði eru sögð hafa varðað umferðalagabrot og sakborningar dæmdir til fangelsisvistar í báðum málum.

Morgunblaðið óskaði eftir svörum við nokkrum spurningum frá Sigríði J. Friðjónsdóttur vegna málsins, meðal annars við því hvort það varpaði ekki rýrð á embættið að þar starfaði saksóknari sem hefði játað refsiverð brot.

Sigríður svaraði að sér væri ekki heimilt að tjá sig um málið.