Segir vopna­hlé enn í gildi á Gasa

Þetta sagði Trump á fréttamannafundi um borð í bandarísku forsetaflugvélinni í nótt. „Já, það er það,“ sagði forsetinn aðspurður um hvort vopnahlé væri enn í gildi.

Palestínsk yfirvöld greindu frá því í gær að 26 hið minnsta hafi látið lífið í loftárásum Ísraelshers í gær.

Árásir gærdagsins hófust að morgni þar sem talsmaður Ísraelshers sakaði „hryðjuverkamenn um árásir gegn skriðdrekum og skotárásir“ gegn ísraelskum hersveitum í Rafah. Tveir ísraelskir hermenn lét lífið í þeim árásum. Sagði talsmaðurinn að Ísraelshers muni haldi áfram að framfylgja samningunum.

Talsmaður Hamas sagði hins vegar að samtökunum væri ekki kunnugt um nokkur átök á þeim svæðum sem eru undir stjórn Ísraelsmanna. Hamas ætlaði sér að fara að ákvæðum samningsins um vopnahlé og að „brot Ísraelsmanna“ á samningnum og árásir gætu leitt til þess að endaloka vopnahlésins.

Í frétt BBC segir að erindreki Trumps Bandaríkjaforseta, Steve Witkoff, og tengdasonur hans, Jared Kushner, muni halda til Ísraels í dag þar sem talið er að Bandaríkjastjórn þurfi að beita þrýstingi til að samningurinn um vopnahlé haldi.