Gefur ekkert land­svæði eftir

Greint var frá því í gær að Trump og Vladimír Pútín Rússlandsforseti ættu fund í Alaska þann 15. ágúst, þar sem þeir munu freista þess að ná saman um hvernig ætti að binda enda á innrásarstríð Rússlands í Úkraínu, án þess að Selenskí eða nokkur annar Úkraínumaður sitji við borðið.

Trump lét hafa eftir sér eftir að friðarsamkomulag ætti eftir að fela í sér skiptingu á landsvæðum. Hann tilgreindi ekki hvaða landsvæði hann átti við en Rússar hafa náð stjórn yfir öllu Lúhansk héraði og stærstu hlutum Dónetsk-, Sapóríssjíu- og Khersonhéruðum.

Í færslu á Telegram segir Selenskí að Úkraína muni ekki gefa hernámsliðum landið sitt. Allar lausnir án Úkraínu séu „lausnir gegn friði“.

CBS greindi frá því í nótt að Trump hafi beitt þrýstingi á aðra Evrópuleiðtoga að samþykkja vopnahléstillögu sem felur í sér að Úkraína gefi eftir Donbassvæðið eins og það leggur sig í hendur Rússlands og að Rússland haldi stjórn yfir Krímskaganum öllum. 

Á móti þyrfti Rússland að gefa eftir Sapóríssjíu- og Khersonhéröð, sem eru sem stendur undir stjórn Úkraínuhers.