Stjörnulífið: „Who the fuck is Kaleo?“

Herra Hnetusmjör kom fram á afmælishátíð Bræðslunnar á Borgarfirði eystra og deildi þessari mynd af þeim KK.

Logi Geirsson og Inga Tinna hjá Dineout nutu lífsins saman í Mónakó. Þau klæddu sig upp fyrir ferðina eins og myndirnar sína.

Söngkonurnar Salka Sól Eyfeld og Selma Björns og Eygló Gísla ljósmyndari birtu gellumyndir frá Portúgal þar sem þær njóta í sólinni.

Sveppi, Gísli Örn og Gói svöruðu í sömu mynt með gauramyndum frá Þingeyri.

Eiður Smári Guðjohnsen knattspyrnukempa var á meðal gesta í Vaglaskógi á tónleikum Kaleo. Hann var í hvítum bol sem á stóð: „Who the fuck is Kaleo?“

Fleiri mættu á tónleika Kaleo. Til dæmis Tara Sif Birgisdóttir fasteignasali og dansari.

Það eru fáir sem keppa við Áslaugu Örnu Sigurbjörnsdóttur í virkni á samfélagsmiðlum. Hún gerði upp fyrstu vikuna í MBA-náminu í New York-borg með myndasyrpu. Áslaug Arna er í leyfi frá Alþingi á meðan hún sinnir náminu næsta vetur.

Það eru fleiri í New York. Guðmundur Birkir Pálmason, betur þekktur sem Gummi Kíró, spókaði sig á götum stórborgarinnar.

Bjarni Benediktsson fyrrverandi ráðherra rifjaði á dögunum upp hjónavígslu þeirra Þóru Margrétar Baldvinsdóttir í Bessastaðakirkju í júlí 1995.

Tengt Bjarna því sonur hans Benedikt Bjarnason var á flakki með samfélagsmiðlastjörnunni Sunnevu Einarsdóttur um landið. Parið gisti í tjaldi og að sjálfsögðu var hundurinn með í för.

Sveindís Jane Jónsdóttir birti svipmyndir frá síðustu vikum. Þar voru ljósmyndir frá EM-ævintýri stelpnanna okkar, og þá kom Rob Holding, fyrrverandi leikmaður Arsenal, fyrir.

Annie Mist Þórisdóttir deildi mynd með óléttri Katrínu Tönju Davíðsdóttur og Hafþóri Júlíusi Björnssyni sem hún segir að sé sterkasti vinur sinn.

Arna Ýr Jónsdóttir fegurðardrottning fagnaði ástinni í brúðkaupi hjá vinkonu sinni. Betri helmingurinn Vignir Bollason var í góðum gír.

Leik- og tónlistarkonan Elín Hall deilir myndum frá sumrinu þar sem kampavín, tjaldferðalög og vöfflur koma við sögu.

Hilmar Henningsson Íslandsmeistari með Stjörnunni í körfubolta skellti sér til Parísar með Erlu Sól Vigfúsdóttur kærustu sinni.

Þórdís Kolbrún Reykfjörð Gylfadóttir og Hjalti Sigvaldi Mogensen skelltu sér til Tékklands þar sem þau ferðuðust eins og lókallinn og týndust á meðal fólksins.