Rappsveitin sem sætti hryðjuverkarannsókn sleppur með skrekkinn Rafn Ágúst Ragnarsson skrifar 18. júlí 2025 18:32 Sveitin hefur vakið athygli fyrir afdráttarlausan boðskap sinn fyrir málvernd, samstöðu og gegn heimsvaldastefnu. EPA/Helle Arensbak Breska ákæruvaldið hefur ákveðið að aðhafast ekki í máli írsku rapphljómsveitarinnar Kneecap sem var til rannsóknar hjá lögreglu vegna ummæla sem hljómsveitarmeðlimir létu falla á tónlistarhátíðinni Glastonbury. Meðlimir sveitarinnar og aðrir tónlistarmenn sem tróðu upp á þessari gríðarstóru tónlistarhátíð eru yfirlýstir stuðningsmenn sjálfsákvörðunarréttar Palestínumanna og ófeimnir við að viðra skoðanir sínar á framferði ísraelska hersins á Gasaströndinni. Undirritaður ræddi við meðlimi Kneecap þegar þeir tróðu upp á Gauknum á vegum Iceland Airwaves um árið. Hér að neðan má lesa viðtalið. Rannsókn heldur áfram á ummælum annarra tónlistarmanna sem komu fram á hátíðinni, fyrst og fremst Bob Vylan sem leiddi kór viðstaddra í níðsöng um ísraelska herinn sem hefur undanfarnar vikur kennt „tæknivillum“ um drónaárásir á borgara þar sem þeir ná sér í vatn í flóttamannabúðum og reifað áætlanir um að safna íbúum Gasasvæðisins saman í búðum. Áætlanir sem margir beggja megin samningaborðsins hafa líkt við gettó nasista. Ákærður fyrir brot á hryðjuverkalögum fyrir ótengt atvik Þann 28. júní síðastliðinn kom rappþríeykið Kneecap fram á einu sviði Glastonbury-hátíðarinnar fyrir tugum þúsunda. Þar hófu þeir að kyrja níðsöngva um ísraelska herinn og forsætisráðherra Bretlands, Keir Starmer, fyrir að aðhafast ekki. Einn meðlima sveitarinnar, Liam Óg Ó hAnnaidh, sem gengur undir sviðsnafninu Mo Chara, hefur hins vegar verið ákærður fyrir brot gegn hryðjuverkalögum fyrir að hafa veifað fána Hezbollah-samtakanna alræmdu þegar hann kom fram í Lundúnum síðasta nóvember. Hann segist saklaus vera og fer fyrir dóm í ágúst. Drengirnir í Kneecap greindu sjálfir frá þessum fréttum á samfélagsmiðlum. Þar sögðu þeir að þeim hefði borist tölvupóstur þar sem þeim var tjáð að ákæruvaldið hygðist ekki aðhafast neitt frekar. „Við héldum sögulega tónleika á Glastonbury. Öllu svæðinu var lokað klukkutíma fyrr vegna troðnings. Þetta var hátíð ástar og samstöðu. Hafsjór af góðu fólki á heimsins stærstu tónlistarhátíð,“ segir í tilkynningu frá sveitinni. Sönnunargögn ekki næg Þeir segjast vera skotspónn ríkisvaldsins. „Hver einn og einasti sem sá atriðið okkar vissi að engin lög voru brotin, ekki nærrum því. Samt sem áður taldi lögreglan það rétt að tilkynna um það opinberlega að þeir ætluðu að hefja rannsókn. Þetta er pólitískt. Þetta er markvisst. Þetta er hótun af hendi ríkisvaldsins,“ segja þeir. Samkvæmt upplýsingum sem breska miðlinum Guardian bárust frá lögreglunni í Avon- og Somerset-sýslum var rannsókn hafin á ummælum sveitarinnar en að ekki hafi legið næg sönnunargögn fyrir til að höfða mál. Áfram verði haldið að rannsaka ummæli Bob Vylans fyrrnefnds. Fyrr í mánuðinum brást Vylan við ásökunum á hendur sér um gyðingahatur og ofbeldishneigð. Hann sver þær af sér. „Við styðjum ekki útrýmingu gyðinga, Araba eða nokkurs annars kynþáttar eða þjóðarhóps. Við styðjum niðurrif morðóðrar hermaskínu. Maskínu þar sem hermönnum var sagt að beita banvænu valdi að óþörfu gegn saklausum borgurum sem biðu eftir aðstoð. Maskínu sem hefur eyðilagt stóran hluta Gasa.“ Norður-Írland Tónlist Bretland Erlend sakamál Ísrael Palestína Átök í Ísrael og Palestínu Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Stöðugleiki norðlægrar hringrásar skammgóður vermir fyrir Ísland Innlent Sigmundur seinn: „Er þingmaðurinn í salnum?“ Innlent Halla tekur sér frí og vill að karlmenn axli ábyrgð Innlent Pallborðið: Stungið höfðinu í sandinn í tuttugu ár Innlent Kröfur kvennaárs komnar í innheimtu og gjalddaginn fallinn Innlent Verktakar hafi greinilega nóg því þeir kjósi frekar að bíða en lækka Innlent Annað safn rænt í Frakklandi um helgina Erlent Engin lausn og ákveðin sjálfsblekking að banna börnum að nota tölvuleiki Innlent Fleiri fréttir „Ísrael mun missa allan stuðning“ Annað safn rænt í Frakklandi um helgina Rannsaka „glæfraleg“ svikabrigsl fyrir andlát skákmeistarans unga Hafði varað við því að árásamaðurinn væri í lögreglubúning Gera ráð fyrir tugþúsundum á kosningafundum í Búdapest Mikill hiti í síðustu kappræðunum fyrir kosningar Leggur viðskiptaþvinganir á rússneska olíurisa Hafa drepið 34 í árásum á meinta smyglara Myndavélar sneru í ranga átt er gripunum var stolið Rannsaka jákvæð áhrif covid-bóluefnis á krabbameinssjúklinga Gerðu árás á leikskóla í Karkív Hegseth bannar nú samskipti við þingið Trump gæti veitt sjálfum sér tugi milljarða í bætur frá eigin stjórn Vísindamenn segja mikilvægt að vanda valið á þunglyndislyfjum Sextíu og þrír látnir eftir umferðarslys í Úganda Gerðu árás á rússneska efnaverksmiðju í Bryansk Óttast að senda hermenn til Gasa Rífa hluta Hvíta hússins fyrir veislusal Trumps Ólíklegt að Trump og Pútín muni funda í bráð Serbneskur stríðsglæpamaður farinn yfir móðuna miklu 21 árs fangelsi fyrir banatilræðið gegn Fico Gagnrýndur fyrir ummæli um ógn af hálfu innflytjenda Refsidómi Diddy verði áfrýjað Fyrsta konan til að verða forsætisráðherra Japans Selja neyðargetnaðarvörn sem lausasölulyf í fyrsta skipti Opnar á að útvista loftslagsmarkmiðum Evrópu enn frekar Neitar enn að hleypa nýrri þingkonu að Enginn arftaki í augsýn hjá Xi Hafna aftur tillögu Trumps Frekari uppljóstranir vekja reiði og áköll um viðbrögð Sjá meira
Meðlimir sveitarinnar og aðrir tónlistarmenn sem tróðu upp á þessari gríðarstóru tónlistarhátíð eru yfirlýstir stuðningsmenn sjálfsákvörðunarréttar Palestínumanna og ófeimnir við að viðra skoðanir sínar á framferði ísraelska hersins á Gasaströndinni. Undirritaður ræddi við meðlimi Kneecap þegar þeir tróðu upp á Gauknum á vegum Iceland Airwaves um árið. Hér að neðan má lesa viðtalið. Rannsókn heldur áfram á ummælum annarra tónlistarmanna sem komu fram á hátíðinni, fyrst og fremst Bob Vylan sem leiddi kór viðstaddra í níðsöng um ísraelska herinn sem hefur undanfarnar vikur kennt „tæknivillum“ um drónaárásir á borgara þar sem þeir ná sér í vatn í flóttamannabúðum og reifað áætlanir um að safna íbúum Gasasvæðisins saman í búðum. Áætlanir sem margir beggja megin samningaborðsins hafa líkt við gettó nasista. Ákærður fyrir brot á hryðjuverkalögum fyrir ótengt atvik Þann 28. júní síðastliðinn kom rappþríeykið Kneecap fram á einu sviði Glastonbury-hátíðarinnar fyrir tugum þúsunda. Þar hófu þeir að kyrja níðsöngva um ísraelska herinn og forsætisráðherra Bretlands, Keir Starmer, fyrir að aðhafast ekki. Einn meðlima sveitarinnar, Liam Óg Ó hAnnaidh, sem gengur undir sviðsnafninu Mo Chara, hefur hins vegar verið ákærður fyrir brot gegn hryðjuverkalögum fyrir að hafa veifað fána Hezbollah-samtakanna alræmdu þegar hann kom fram í Lundúnum síðasta nóvember. Hann segist saklaus vera og fer fyrir dóm í ágúst. Drengirnir í Kneecap greindu sjálfir frá þessum fréttum á samfélagsmiðlum. Þar sögðu þeir að þeim hefði borist tölvupóstur þar sem þeim var tjáð að ákæruvaldið hygðist ekki aðhafast neitt frekar. „Við héldum sögulega tónleika á Glastonbury. Öllu svæðinu var lokað klukkutíma fyrr vegna troðnings. Þetta var hátíð ástar og samstöðu. Hafsjór af góðu fólki á heimsins stærstu tónlistarhátíð,“ segir í tilkynningu frá sveitinni. Sönnunargögn ekki næg Þeir segjast vera skotspónn ríkisvaldsins. „Hver einn og einasti sem sá atriðið okkar vissi að engin lög voru brotin, ekki nærrum því. Samt sem áður taldi lögreglan það rétt að tilkynna um það opinberlega að þeir ætluðu að hefja rannsókn. Þetta er pólitískt. Þetta er markvisst. Þetta er hótun af hendi ríkisvaldsins,“ segja þeir. Samkvæmt upplýsingum sem breska miðlinum Guardian bárust frá lögreglunni í Avon- og Somerset-sýslum var rannsókn hafin á ummælum sveitarinnar en að ekki hafi legið næg sönnunargögn fyrir til að höfða mál. Áfram verði haldið að rannsaka ummæli Bob Vylans fyrrnefnds. Fyrr í mánuðinum brást Vylan við ásökunum á hendur sér um gyðingahatur og ofbeldishneigð. Hann sver þær af sér. „Við styðjum ekki útrýmingu gyðinga, Araba eða nokkurs annars kynþáttar eða þjóðarhóps. Við styðjum niðurrif morðóðrar hermaskínu. Maskínu þar sem hermönnum var sagt að beita banvænu valdi að óþörfu gegn saklausum borgurum sem biðu eftir aðstoð. Maskínu sem hefur eyðilagt stóran hluta Gasa.“
Norður-Írland Tónlist Bretland Erlend sakamál Ísrael Palestína Átök í Ísrael og Palestínu Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Stöðugleiki norðlægrar hringrásar skammgóður vermir fyrir Ísland Innlent Sigmundur seinn: „Er þingmaðurinn í salnum?“ Innlent Halla tekur sér frí og vill að karlmenn axli ábyrgð Innlent Pallborðið: Stungið höfðinu í sandinn í tuttugu ár Innlent Kröfur kvennaárs komnar í innheimtu og gjalddaginn fallinn Innlent Verktakar hafi greinilega nóg því þeir kjósi frekar að bíða en lækka Innlent Annað safn rænt í Frakklandi um helgina Erlent Engin lausn og ákveðin sjálfsblekking að banna börnum að nota tölvuleiki Innlent Fleiri fréttir „Ísrael mun missa allan stuðning“ Annað safn rænt í Frakklandi um helgina Rannsaka „glæfraleg“ svikabrigsl fyrir andlát skákmeistarans unga Hafði varað við því að árásamaðurinn væri í lögreglubúning Gera ráð fyrir tugþúsundum á kosningafundum í Búdapest Mikill hiti í síðustu kappræðunum fyrir kosningar Leggur viðskiptaþvinganir á rússneska olíurisa Hafa drepið 34 í árásum á meinta smyglara Myndavélar sneru í ranga átt er gripunum var stolið Rannsaka jákvæð áhrif covid-bóluefnis á krabbameinssjúklinga Gerðu árás á leikskóla í Karkív Hegseth bannar nú samskipti við þingið Trump gæti veitt sjálfum sér tugi milljarða í bætur frá eigin stjórn Vísindamenn segja mikilvægt að vanda valið á þunglyndislyfjum Sextíu og þrír látnir eftir umferðarslys í Úganda Gerðu árás á rússneska efnaverksmiðju í Bryansk Óttast að senda hermenn til Gasa Rífa hluta Hvíta hússins fyrir veislusal Trumps Ólíklegt að Trump og Pútín muni funda í bráð Serbneskur stríðsglæpamaður farinn yfir móðuna miklu 21 árs fangelsi fyrir banatilræðið gegn Fico Gagnrýndur fyrir ummæli um ógn af hálfu innflytjenda Refsidómi Diddy verði áfrýjað Fyrsta konan til að verða forsætisráðherra Japans Selja neyðargetnaðarvörn sem lausasölulyf í fyrsta skipti Opnar á að útvista loftslagsmarkmiðum Evrópu enn frekar Neitar enn að hleypa nýrri þingkonu að Enginn arftaki í augsýn hjá Xi Hafna aftur tillögu Trumps Frekari uppljóstranir vekja reiði og áköll um viðbrögð Sjá meira