Innlent

Ekki talið að and­látið hafi borið að með sak­næmum hætti

Atli Ísleifsson skrifar
Maður var handtekinn vegna málsins en hann hefur verið látinn laus.
Maður var handtekinn vegna málsins en hann hefur verið látinn laus. Vísir/Vilhelm

Rannsókn lögreglunnar á höfuðborgarsvæðinu á andláti karlmanns á sjötugsaldri í Samtúni í Reykjavík í síðasta mánuði miðar vel.

Krufningu er nú lokið og er ekki talið að andlátið hafi borið að með saknæmum hætti. Þetta kemur fram í tilkynningu frá lögreglunni á höfuðborgarsvæðinu. 

Sagt var frá því 10. júní síðastliðinn að karlmaður sem hefði orðið fyrir alvarlegri líkamsárás í Samtúni í lok maímánaðar væri látinn. Maður var handtekinn vegna málsins, úrskurðaður í gæsluvarðhald en síðar sleppt.

Nú segir í tilkynningu frá lögreglu að ekki sé talið að andlát mannsins hafi boðið að með saknæmum hætti.

Fréttin verður uppfærð. 

Lögreglumál Reykjavík

Tengdar fréttir

Látinn eftir líkamsárás en árásarmaðurinn gengur laus

Karlmaður sem varð fyrir alvarlegri líkamsárás að Samtúni í Reykjavík í lok síðasta mánaðar er látinn. Sá sem er grunaður um árásina gengur laus og að svo stöddu stendur ekki til að hneppa hann í gæsluvarðhald.

Mest lesið


Fleiri fréttir

Sjá meira


×

Mest lesið