Sport

Vellirnir hálftómir á HM fé­lags­liða

Haraldur Örn Haraldsson skrifar
Mercedes-Benz Stadium meira en hálftómur í kvöld þegar Chelsea og LAFC áttust við
Mercedes-Benz Stadium meira en hálftómur í kvöld þegar Chelsea og LAFC áttust við Getty/Vísir

Heimsmeistaramót félagsliða er farið af stað í Bandaríkjunum með nýju sniði. Áhorfendatölur á völlunum hefur verið umræðuefni, en það hefur gengið mis vel að selja á leiki.

Fyrstu þrír leikirnir fóru nokkuð vel af stað þar sem allir þeir seldu yfir 80% þeirra miða sem vellirnir tóku. Allir þessir leikir fóru fram í gær á Sunnudegi, en loka leikur dagsins milli Palmeiras og Porto fór fram fyrir rétt rúmlega 46000 áhorfendum. Það er aðeins 56% af sætunum sem eru á MetLife vellinum þar sem leikurinn var spilaður.

Í dag hafa farið fram tveir leikir, en þar hafa áhorfendatölur verið dræmar. Botafogo og Seattle Sounders áttust við á Lumen Field vellinum. Þar voru rétt rúmlega 30000 manns meðal áhorfenda, sem er 44% af sætum þar.

Slökustu tölurnar voru hinsvegar í leik Chelsea og LAFC sem fór fram í kvöld. Þar voru aðeins 22137 áhorfendur í Mercedes-Benz vellinum í Atlanta sem tekur 71000 áhorfendur. Það er aðeins 31% af mögulegum sætum.

Það er því helmingur leikjanna hingað til sem hafa haft minna en 60% af mögulegri áhorfendatölu.

Fótbolti HM félagsliða í fótbolta 2025

Mest lesið


Fleiri fréttir

Sjá meira


×

Mest lesið