Ó­vænt á Opna franska: Nú­mer 361 á heims­lista komin í undanúr­slitin

Boisson fékk jókerkort eða svokallað „wild card“ inn á mótið. Hún er aðeins í 361. sæti á heimslistanum.

Hinn 22 ára gamla Boisson tryggði sér sæti í undanúrslitum með 7-6 (8-6), 6-3 sigri á Mirru Andreeva í átta manna úrslitum.

Andreeva er bara átján ára gömul en var mun sigurstranglegri i leiknum eftir góða frammistöðu undanfarið ár.

Boisson lenti undir í leiknum en kom sterk til baka og vann fyrsta settið eftir framlengingu.

Hún var einnig 0-3 undir í öðru settinu en kom til baka og tryggði sér sigurinn með því að vinna sex lotur í röð.

Boisson mætir hinni bandarísku Coco Gauff í undanúrslitunum sem sló Madison Keys út úr átta manna úrslitunum.

Í hinum undanúrslitaleiknum mætast Aryna Sabalenka og Iga Swiatek.