Tveir al­þingis­menn og Gaza

Ég skrifaði þetta bréf til tveggja alþingismanna og forseta alþingis 22. nóv 2023 og hef ekki fengið svar ennþá. Þar sem Birgir er horfinn af þingi en Inga er þar enn sendi ég það aftur á hana og fer fram yfirlysingu úr púlti alþingis og endurtek þá beiðni þar til hún berst. Þetta er mikilvægt því það eru þessar lýsingar sem koma upp í huga þeirra sem heyra t.d. umfjallanir Rúv um Gaza sem oftast byrjar umfjöllun um þjóðarmorðið með formálanum "eftir að Hamas réðist á Ísrarel og drap 1200 manns" og í skrifum margar mætra manna sem ekki vita betur er þetta líka viðkvæðið.

Opið bréf til Ingu Snæland og Birgis Þórarnissonar.

Ég skrifa ykkur þessi orð og bið ykkur vinsamlegast að draga fullyrðingar ykkar um afhöfðuð börn í árás Hamas á landtökubyggðir Ísraela 7. okt 2023 til baka.

Nákvæmur listi Ísrelskra yfirvalda leiðir í ljós að aðeins eitt ungabarn lést í innrásinni sem gerir söguna um 40 afhöfðuð börn marklausa með öllu. Í ljósi þess að þessar rangfærslur rötuðu frá ykkur inn á hið háa alþingi Íslendinga fer ég hér með fram á opinbera yfirlýsingu frá ykkur í þingsal og í fréttatilkynningu til fjölmiðla. Ég sendi afrit til forseta alþingis og bið hann hér með að þessu erindi sé fylgt á eftir og þessar rangfærslur verði leiðréttar með viðeigandi hætti.

Þetta segir þú Inga:

“Hef aldrei upplifað aðra eins ræðu úr ræðustóli Alþingis. Engin orð fá þessum hryllingi lýst, en það gerir Birgir Þórarinsson af einlægni og af öllu sínu hjarta. Takk fyrir að opna augu mín og vonandi margra fleiri sem hafa dæmt án þess að hafa nægar forsendur til. Já hver hefði trúað því að unglingar væru afhöfðaðir með garðyrkjuverkfærum, hver hefði trúað því að ófædd börn væru skorin úr móðurkviði, hver hefði trúað því að kornabarn væri tekið og bakað í í ofni ? hvernig getur nokkur trúað þvílíkri grimmd.

Þetta eru ummæli þín Birgir sem Inga byggir á sín orð:

"Sum fórnarlambanna eru unga­börn og eldri borgarar sem ýmist voru lim­lest eða brennd. Sumir tóku það upp á sig að ásaka stjórnvöld Ísraels um ljúga því að unga­börn hafi verið af­höfðuð og myrt og því hafa myndir af lík­um ungbarna verið birt­ar af ísraelsk­um stjórn­öldum."

Þetta var inntakið í boðskap þínum Birgir Þórarinsson á fundi hjá utanríkismálanefnd þegar hún ályktaði um atburðina í Palestínu og þú varst með myndband frá IDF og kynntir sem staðreyndir. en myndbandið nefnir 40 afhöfðuð ungabörn.

Ég ætla ekki að fara í flóknar ályktanir um hver skaut á hvað þennan dag en það er smátt og smátt að koma í ljós. Heldur fór ég einfaldlega yfir listann sem Ísraelar hafa nú birt yfir nöfn og aldur fórnarlambanna og á honum er - EITT UNGA BARN -10 mánaða gamalt - Millie Cohen - einu of mikið - en hún lenti í skotlínu milli Hamas og IDF og varð því miður fyrir kúlu frá H.ama.s .

Sagan um barn steikt í ofni er tilraun til að viðhalda skrímslavæðingu Hamas eftir að blekkingar IDF komu í ljós við en sönnunargögnin fyrir þeirri sögu var plastpoki með líkamsleifum sem hafði verið hitaður upp á ofni og leifarnar voru af nokkrum einstaklingum sem voru sprengdir í loft upp af ísraelskum þyrlum og skriðdrekum sem drápu fjölmarga af þessum 1130 sem fórust í árásinni.

Höfundur er markaðsráðgjafi.