Mörkin úr Bestu: Fram af­greiddi meistara Blika á ellefu mínútna kafla

Víkingar eru á einir á toppnum eftir 4-0 sigur á KA í Fossvoginum. Valdimar Þór Ingimundarson skoraði tvö fyrstu mörkin á fyrstu fjórtán mínútunum áður en hann fór meiddur af velli en Karl Friðleifur Gunnarsson og Helgi Guðjónsson skoruðu hin mörkin.

Hinn átján ára gamli Daði Berg Jónsson tryggði Vestra 1-0 sigur á FH á Ísafirði og Djúpmenn eru ósigraðir í fyrstu tveimur umferðunum.

Það var mikil dramatík í Úlfarsárdalnum þegar Íslandsmeistarar Blika komust 2-0 yfir á móti Fram en Framrar fögnuðu á endanum 4-2 sigri.

Óli Valur Ómarsson og Tobias Thomsen komu Blikum í 2-0 og þannig var staðan í hálfleik.

Framarar buðu upp aftur á móti upp á magnaðar ellefu mínútur frá 72. til 83. mínútu þegar þeir skoruðu fjögur mörk og tryggði sér með því 4-2 sigur.

Sigurjón Rúnarsson og Kennie Knak Chopart jöfnuðu leikinn og varamaðurinn Guðmundur Magnússon tryggði síðan sigurinn með tveimur mörkum.

Hér fyrir ofan og neðan má sjá mörkin úr þessum þremur leikjum en það var ekkert skorað í nýliðaslag Aftureldingar og ÍBV í Mosfellsbænum.