Mynd­efni af heimilis­of­beldi, van­virðing við skatt­greið­endur og fegurðar­dís

Fyrirhugaðar breytingar á veiðigjaldi gætu skilað allt að tvöfalt meiri tekjum í ríkissjóð að sögn ráðherra. Við förum yfir breytingarnar, ræðum við framkvæmdastjóri útgerðarfyrirtækis sem segir málið aðför að landsbyggðinni og verðum í beinni frá Alþingi þar sem skoðanir á málinu eru heldur betur skiptar.

Þónokkrir bæjarstjórar á Íslandi eru með yfir þrjár milljónir króna á ári. Við kynnum okkur launahæstu bæjarstjórana og heyrum í verkalýðsleiðtoga sem lýsir laununum sem vanvirðingu við skattgreiðendur.

Þá kynnir Magnús Hlynur sér óánægju með fyrirhugað niðurrif á Þingborg, við verðum í beinni frá söngleik um þorskastríðin – líklega þeim fyrsta í heimi og Kristján Már sýnir okkur flugvél sem er sögð vera mesta fegurðardís himinloftanna.

Auk þess verður rætt við markvörðinn Sindra Kristinn sem segist hafa fengið á sig erfiða gagnrýni og í Íslandi í dag kennir einn helsti sjálfshjálpargúru landsins okkur að anda rétt og teygja úr sér streitu.

Kvöldfréttir Stöðvar 2 má sjá í heild sinni hér að neðan: