Innlent

Leikaraverkfalli af­lýst

Kolbeinn Tumi Daðason skrifar
„Við erum ljómandi ánægðar og stoltar eftir langt en afar lærdómsríkt ferli (Esther Talía sat líka í samninganefnd en þurfti að fara á kvöldæfingu),“ segir Sólveig Arnarsdóttir í samninganefnd leikara í færslu á Facebook við meðfylgjandi mynd. 
„Við erum ljómandi ánægðar og stoltar eftir langt en afar lærdómsríkt ferli (Esther Talía sat líka í samninganefnd en þurfti að fara á kvöldæfingu),“ segir Sólveig Arnarsdóttir í samninganefnd leikara í færslu á Facebook við meðfylgjandi mynd.  Sólveig Arnarsdóttir

Kjarasamningar tókust á milli leikara og dansara við Leikfélag Reykjavíkur seint í gærkvöldi. Ekki þarf að aflýsa neinum sýningum hjá Borgarleikhúsinu.

Birna Hafstein, formaður Félags íslenskra leikara og sviðslistafólks, staðfestir niðurstöðuna í samtali við fréttastofu.

„Þetta snerist að miklu leyti um launaliðinn, og almennt um starfsumhverfi leikara og dansara. Og þetta snerist um að jafna hlut dansara, að gera þá að jafningjum, sem tekst á samningstímabilinu. Það var ýmislegt sem náðist inn á lokasprettinum sem er mjög ánægjulegt,“ segir Birna.

„Þá geta bara allir farið í leikhús og horft á þessa frábæru leikara og dansara í Borgarleikhúsinu í friði.“

Birna telur að allir ættu að geta gengið sáttir frá borði.

„Þetta er búið að vera langt og strangt tímabil, og þetta er búið að reyna mjög mikið á alla aðila. Blessunarlega tókst þetta í gær með aðstoð ríkissáttasemjara.“

Fréttin hefur verið uppfærð.

Leikhús

Mest lesið


Fleiri fréttir

Sjá meira


×

Mest lesið