Innlent

Hótað með hníf og rændur í mið­bænum

Samúel Karl Ólason skrifar
Tveir voru vistaðir í fangageymslu í nótt.
Tveir voru vistaðir í fangageymslu í nótt. Vísir/Vilhelm

Lögreglunni á höfuðborgarsvæðinu barst í nótt tilkynning um rán í miðbænum. Þar var árásarþola hótað með hníf á meðan ránið var framið. Lögreglan segir málið í rannsókn.

Þetta er meðal þess sem kemur fram í dagbók lögreglunnar. Þar segir einnig að stórfelld líkamsárás hafi verið framin í Hlíðunum og er það mál einnig í rannsókn.

Lögreglan segir einnig að við eftirlit með akstri leigubíla í nótt hafi komið í ljós að margt hafi verið í ólagi. Fimm ökumenn hafi verið sektaðir fyrir umferðarlagabrot vegna eftirlitsins.

Sömuleiðis voru að minnsta kosti tveir ökumenn, sem höfðu áður verið sviptir ökuréttindum, gómaðir við ölvunarakstur.

Lögreglumál Næturlíf Reykjavík

Mest lesið


Fleiri fréttir

Sjá meira


×

Mest lesið