Skot­vopn fannst á þaki Laugalækjarskóla

Ásmund­ur Rún­ar Gylfa­son, aðstoðaryfirlögregluþjónn, segir í samtali við fréttastofu að rétt fyrir klukkan ellefu í gærkvöld hefði lögreglu borist upplýsingar um málið. Þá hafði fundist poki eða taska sem innhélt umrætt vopn. Engin skotfæri fundust þó.

Málið er nú í rannsókn. Lögreglan bíður nú myndefnis sem gæti mögulega varpað ljósi á málið. Þá er búist við því að skólastjórnendur sendi bráðlega tilkynningu til foreldra og forráðamanna um málið.

Mbl.is greindi fyrst frá þessu, en í frétt miðilsins segir að vopnið hafi fundist að lokinni árshátíð skólans sem fram fór í Laugardalshöll. Jafnframt hafi umræða skapast um málið og mörgum væri brugðið.

Lögreglan óskar eftir upplýsingum um málið á abendingar@lrh.is