Enski boltinn

Glugginn lokaður: Aston Villa og Man City sigruðu gluggann

Íþróttadeild Vísis skrifar
Það verður ekki annað sagt en Aston Villa hafi „unnið“ þennan félagaskiptaglugga ásamt Manchester City.
Það verður ekki annað sagt en Aston Villa hafi „unnið“ þennan félagaskiptaglugga ásamt Manchester City. Aston Villa

Félagaskiptaglugginn í evrópskum fótbolta er nú lokaður. Enn gætu þó félagaskipti dottið í gegn svo lengi sem félög skiluðu réttum pappírum á réttum tíma. Sem stendur má þó segja að Aston Villa og Manchester City hafi „unnið“ gluggann með þeim leikmönnum sem liðin sóttu.

Ensku úrvalsdeildarfélögin höfðu fyrir daginn í dag varið samtals tæplega 250 milljónum punda í leikmenn og þó flest öll helstu skipti dagsins hafi verið lán þá bættu Englandsmeistarar Man City nokkrum tugum milljónum punda við.

Aston Villa 

Donyell Malen kom frá Borussia Dortmund fyrr í glugganum og um helgna var gengið frá lánsamningi við Marcus Rashford. Villa hefur einnig forkaupsrétt á framherjanum í sumar. Ofan á það þá gekk hinn 29 ára gamli Marco Asensio í raðir Villa á láni frá franska stórliðinu París Saint-Germain.

Asensio gekk í raðir PSG eftir nærri áratug hjá Real Madríd þar sem hann spilaði sinn þátt í sigurgöngu liðsins í Meistaradeild Evrópu. Alls hefur hann orðið Evrópumeistari þrívegis og Spánarmeistari jafnoft.

Manchester City

Manchester City hafði verið duglegt til þessa í glugganum og sótt þrjá leikmenn. Miðverðirnir Vitor Reis og  Abdukodir Khusanov voru mættir ásamt Omar Marmoush. Enn vantaði þó miðjumann til að fylla skarð Rodri sem er meiddur.

Lengi vel leit ekki út fyrir að það myndi ganga en í þann mund sem glugginn var að lokast var tilkynnt að félagið hefð náð að koma kaupunum á spænska miðjumanninn Nico González í gegn. Sá spilar fyrir Porto í Portúgal og kostar um 50 milljónir punda eða svo.

Tottenham Hotspur

Hinn 19 ára gamli Mathys Tel gekk á endanum í raðir Tottenham Hotspur. Hann kemur á láni frá Bayern München. 

Mismunandi upplýsingar eru á kreiki um hversu mikið Tottenham borgar til að fá framherjann lánaðan en talið er að Manchester United hafi dregið til hlés því Bayern vildi fá í kringum fimm milljónir evra fyrir. 

David Ornstein hjá The Athletic greinir frá því að Tottenham geti keypt Tel á 55 milljónir evra í sumar.

Tenging við Ísland

Rob Holding, nýjasti tengdasonur Íslands, hefur samið við Sheffield United sem leikur í ensku B-deildinni. Hann var á mála hjá Crystal Palace en fékk enga sénsa þar. Hann er nú mættur í Stálborgina og á að hjálpa Sheffield upp í deild þeirra bestu. Hann kemur á láni út leiktíðina.

Hér að neðan má sjá Gluggavakt Vísis en henni er nú lokið.

Enski boltinn Fótbolti

Tengdar fréttir

Mark­mann­ska­pall FCK: Rúnar Alex þriðji mark­maður?

FC Kaupmannahöfn, topplið efstu deildar danska fótboltans, virðist loks hafa fundið lausnina á markmannsvandræðum sínum. Diant Ramaj er kominn á láni frá Borussia Dortmund, Theo Sander er farinn á láni til Hvidovre og þá virðist sem Rúnar Alex Rúnarsson verði áfram sem þriðji markvörður liðsins.

Neituðu til­boði Burton í Arnór Ingva

Sænska efstu deildarliðið Norrköping neitaði tilboði enska C-deildarliðsins Burton Albion í Arnór Ingva Traustason, miðjumann liðsins. Jón Daði Böðvarsson er að gera gott mót hjá Burton sem er að hluta til í eigu Íslendinga.

Mest lesið


Fleiri fréttir

Sjá meira
×

Mest lesið