Lá við árekstri á meðan flugumferðarstjórar horfðu á úrslitaleikinn Árni Sæberg skrifar 31. janúar 2025 11:09 Flugumferðarstjórar eiga að hafa augun á vinnutölvunni, ekki enska boltanum. Þessi mynd tengist fréttinni ekki með beinum hætti. Vísir/Vilhelm Alvarlegt flugatvik varð þann 25. febrúar árið 2024 þegar tvær litlar flugvélar rákust nánast saman í lofti yfir Skerjafirði. Á sama tíma voru flugumferðarstjórar að horfa á úrslitaleik enska deildabikarsins í knattspyrnu, þar sem Liverpool hafði betur gegn Chelsea. Í skýrslu Rannsóknarnefndar samgönguslysa segir að flugvélarnar tvær hafi verið af gerðunum Cessna 172 og Diamond DA20. Þegar þeim var flogið yfir Skerjafjörð hafi þær verið ískyggilega nálægt hvor annarri. Minnsti hæðaraðskilnaður hafi verið aðeins 7,6 metrar og minnsti lengdaraðskilnaður aðeins 23 metrar. „Því voru minnst 75 fet, eða um 23 metrar, á milli flugvélanna þar sem árekstrarhættan varð.“ Mikil umferð um völlinn Í greiningu nefndarinnar segir að þrír flugumferðarstjórar hafi verið í vinnurými flugturnsins á Reykjavíkurflugvelli. Einn hafi séð um turnstöð, annar um grundstöð og sá þriðji hafi verið í hvíld, en þó staðsettur í vinnurýminu. Hvíldarrými flugumferðarstjóra sé að finna á hæðinni fyrir neðan í flugturninum. Talsverð flugumferð hafi verið við Reykjavíkurflugvöll um það leyti sem atvikið átti sér stað. Mikið fjarskiptatíðniálag hafi verið á turnbylgjunni (118,0 MHz), en það hafi mælst um 70 prósent á tímabilinu 15:17 til 15:27, en talað sé um að ef að fjarskiptaálag sé yfir 50 prósent þá sé mikið að gera á bylgjunni hjá flugumferðarstjórum. „Sjónvarp var í gangi í vinnurými flugturnsins og verið var að sýna úrslitaleik í fótbolta á Englandi.“ Mikið skvaldur um leikinn Við uppspilun á umhverfisupptöku í flugturninum hafi komið í ljós að talsvert mikið hafi verið um skvaldur í vinnurými flugturnsins, sem ekki tengdist flugumferðarstjórn. Talið sé að þetta skvaldur hafi haft áhrif í aðdraganda atviksins. Misjafnt hafi verið hvort kveikt var á sjónvarpinu á daginn en það hafi þó komið fyrir. Tilgangurinn með sjónvarpinu muni hafa verið afþreying þegar lítið eða ekkert var að gera í flugturninum, til dæmis seint á kvöldin, eða þegar ekki var flogið vegna veðurs. Engar skriflegar reglur hafi verið til varðandi notkun á sjónvarpinu í flugturninum þegar atvikið varð. „Út frá upptökum í flugturninum, þá telur RNSA að allir flugumferðarstjórarnir hafi haft athygli á fótboltaleiknum skömmu fyrir og þegar atvikið átti sér stað. Engar flugumferðarupplýsingar voru gefnar flugmönnum flugvélanna af flugumferðarstjóra í turnstöðu.“ Flugumferðarstjórinn kom af fjöllum Klukkan 15:26:18, þegar Cessnan var á krossvind og Diamond var að koma undan vindi, hafi orðið árekstrarhætta á milli flugvélanna, rétt vestan við Kársnes í um 900 feta hæð. Að sögn flugmanna beggja flugvéla, þá hafi Diamond flogið rétt undir Cessnuna. Alls reyndust hafi reynst 75 fet, eða um 23 metrar, á milli flugvélanna þar sem að árekstrarhættan varð. Flugumferðarstjóra í turnstöðu hafi verið ókunnugt um að flugferlar flugvélanna hefðu skorist þegar flugmaður Cessnunnar lét hann vita af því, 32 sekúndum eftir atvikið. „Samkvæmt umhverfisupptökunum, þá gerði enginn athugasemd við að fótboltaleikur væri í sýningu í sjónvarpi í vinnurými flugturnsins.“ Leiknum og spjalli um hann að kenna „Það er niðurstaða RNSA að fótboltaleikurinn í sjónvarpinu, umræðurnar og skvaldrið í vinnurými flugturnsins hafi haft áhrif á aðdraganda þessa alvarlega flugumferðaratviks,“ segir í skýrslunni. Þá segir að nefndin telji einnig að óhapp, þegar svokallaður ræmustokkur féll í gólfið í flugturninum, hafi haft áhrif í aðdraganda atviksins, með því að enn frekar draga athygli allra í flugturninum frá flugumferðinni. Sjónvarpið tekið úr sambandi Í skýrslunni segir að í kjölfar þessa alvarlega flugumferðaratviks hafi sjónvarpið verið aftengt, þann 26. febrúar 2024. Þann 27. febrúar hafi verið haldinn fjarfundur með flugumferðarstjórn á Reykjavíkurflugvelli (BIRK) og Akureyraflugvelli (BIAR) þar sem að þeir voru upplýstir um atvikið. Farið hafi verið yfir mikilvægi agaðra vinnubragða, notkun miðla í vinnurýmum og neikvæð og truflandi áhrif afþreyingar starfsmanna á aðra starfsmenn sem sinna vinnustöð. „Sett var í vinnslu að búa til verklagsreglur um notkun miðla í vinnurýmum flugleiðsögu. Reglurnar munu ná til notkunar á sjónvarpi, útvarpi, netmiðlum, leikjum, símum og tölvum svo eitthvað sé nefnt.“ Fótbolti Fréttir af flugi Reykjavíkurflugvöllur Samgönguslys Reykjavík Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Setja þurfi meiri þunga í hagsmunagæslu gagnvart ESB Innlent „Í minningu sonar - og allra þeirra sem aldrei komu heim“ Innlent Gripinn glóðvolgur í skjóli nætur við að tappa af bílnum Innlent Neyðast til að endurbyggja grunnskólann vegna myglu Innlent Díselþjófar staðnir að verki: „Þetta er búið að kosta okkur milljónir“ Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira
Í skýrslu Rannsóknarnefndar samgönguslysa segir að flugvélarnar tvær hafi verið af gerðunum Cessna 172 og Diamond DA20. Þegar þeim var flogið yfir Skerjafjörð hafi þær verið ískyggilega nálægt hvor annarri. Minnsti hæðaraðskilnaður hafi verið aðeins 7,6 metrar og minnsti lengdaraðskilnaður aðeins 23 metrar. „Því voru minnst 75 fet, eða um 23 metrar, á milli flugvélanna þar sem árekstrarhættan varð.“ Mikil umferð um völlinn Í greiningu nefndarinnar segir að þrír flugumferðarstjórar hafi verið í vinnurými flugturnsins á Reykjavíkurflugvelli. Einn hafi séð um turnstöð, annar um grundstöð og sá þriðji hafi verið í hvíld, en þó staðsettur í vinnurýminu. Hvíldarrými flugumferðarstjóra sé að finna á hæðinni fyrir neðan í flugturninum. Talsverð flugumferð hafi verið við Reykjavíkurflugvöll um það leyti sem atvikið átti sér stað. Mikið fjarskiptatíðniálag hafi verið á turnbylgjunni (118,0 MHz), en það hafi mælst um 70 prósent á tímabilinu 15:17 til 15:27, en talað sé um að ef að fjarskiptaálag sé yfir 50 prósent þá sé mikið að gera á bylgjunni hjá flugumferðarstjórum. „Sjónvarp var í gangi í vinnurými flugturnsins og verið var að sýna úrslitaleik í fótbolta á Englandi.“ Mikið skvaldur um leikinn Við uppspilun á umhverfisupptöku í flugturninum hafi komið í ljós að talsvert mikið hafi verið um skvaldur í vinnurými flugturnsins, sem ekki tengdist flugumferðarstjórn. Talið sé að þetta skvaldur hafi haft áhrif í aðdraganda atviksins. Misjafnt hafi verið hvort kveikt var á sjónvarpinu á daginn en það hafi þó komið fyrir. Tilgangurinn með sjónvarpinu muni hafa verið afþreying þegar lítið eða ekkert var að gera í flugturninum, til dæmis seint á kvöldin, eða þegar ekki var flogið vegna veðurs. Engar skriflegar reglur hafi verið til varðandi notkun á sjónvarpinu í flugturninum þegar atvikið varð. „Út frá upptökum í flugturninum, þá telur RNSA að allir flugumferðarstjórarnir hafi haft athygli á fótboltaleiknum skömmu fyrir og þegar atvikið átti sér stað. Engar flugumferðarupplýsingar voru gefnar flugmönnum flugvélanna af flugumferðarstjóra í turnstöðu.“ Flugumferðarstjórinn kom af fjöllum Klukkan 15:26:18, þegar Cessnan var á krossvind og Diamond var að koma undan vindi, hafi orðið árekstrarhætta á milli flugvélanna, rétt vestan við Kársnes í um 900 feta hæð. Að sögn flugmanna beggja flugvéla, þá hafi Diamond flogið rétt undir Cessnuna. Alls reyndust hafi reynst 75 fet, eða um 23 metrar, á milli flugvélanna þar sem að árekstrarhættan varð. Flugumferðarstjóra í turnstöðu hafi verið ókunnugt um að flugferlar flugvélanna hefðu skorist þegar flugmaður Cessnunnar lét hann vita af því, 32 sekúndum eftir atvikið. „Samkvæmt umhverfisupptökunum, þá gerði enginn athugasemd við að fótboltaleikur væri í sýningu í sjónvarpi í vinnurými flugturnsins.“ Leiknum og spjalli um hann að kenna „Það er niðurstaða RNSA að fótboltaleikurinn í sjónvarpinu, umræðurnar og skvaldrið í vinnurými flugturnsins hafi haft áhrif á aðdraganda þessa alvarlega flugumferðaratviks,“ segir í skýrslunni. Þá segir að nefndin telji einnig að óhapp, þegar svokallaður ræmustokkur féll í gólfið í flugturninum, hafi haft áhrif í aðdraganda atviksins, með því að enn frekar draga athygli allra í flugturninum frá flugumferðinni. Sjónvarpið tekið úr sambandi Í skýrslunni segir að í kjölfar þessa alvarlega flugumferðaratviks hafi sjónvarpið verið aftengt, þann 26. febrúar 2024. Þann 27. febrúar hafi verið haldinn fjarfundur með flugumferðarstjórn á Reykjavíkurflugvelli (BIRK) og Akureyraflugvelli (BIAR) þar sem að þeir voru upplýstir um atvikið. Farið hafi verið yfir mikilvægi agaðra vinnubragða, notkun miðla í vinnurýmum og neikvæð og truflandi áhrif afþreyingar starfsmanna á aðra starfsmenn sem sinna vinnustöð. „Sett var í vinnslu að búa til verklagsreglur um notkun miðla í vinnurýmum flugleiðsögu. Reglurnar munu ná til notkunar á sjónvarpi, útvarpi, netmiðlum, leikjum, símum og tölvum svo eitthvað sé nefnt.“
Fótbolti Fréttir af flugi Reykjavíkurflugvöllur Samgönguslys Reykjavík Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Setja þurfi meiri þunga í hagsmunagæslu gagnvart ESB Innlent „Í minningu sonar - og allra þeirra sem aldrei komu heim“ Innlent Gripinn glóðvolgur í skjóli nætur við að tappa af bílnum Innlent Neyðast til að endurbyggja grunnskólann vegna myglu Innlent Díselþjófar staðnir að verki: „Þetta er búið að kosta okkur milljónir“ Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira