Um tvö hundruð borða hádegisverð á Kaffistofu Samhjálpar. Við hittum forstöðukonu sem segir þjónustuna mikilvæga enda sé hún hjá mörgum eina hátíðlega stund dagsins.
Þá heyrum við í formanni Miðflokksins sem telur að ný ríkisstjórn muni ekki lifa út kjörtímabilið. Útfærsla markmiða í stjórnarsáttmála komi til með að valda ágreiningi.
Þá kíkjum við í kirkjugarðana þar sem margir vitjuðu leiða ástvina sinna í morgun og verðum í beinni frá Kringlunni og heyrum í þeim sem eru á síðasta snúningi með jólainnkaupin.
Þetta og fleira í opinni dagskrá á samtengdum rásum Bylgjunnar, Stöðvar 2 og Vísis klukkan 12:00.