Innlent

Landskjör­stjórn kemur saman til fundar

Atli Ísleifsson skrifar
Landskjörstjórn á úthlutunarfundi þingsæta í Eddu.
Landskjörstjórn á úthlutunarfundi þingsæta í Eddu. Vísir/Vilhelm

Landskjörstjórn kemur saman til fundar í dag klukkan ellefu til að úthluta þingsætum á grundvelli kosningaúrslita í kjördæmum eftir alþingiskosningarnar sem fóru fram þann 30. nóvember síðastliðinn.

Í fréttatilkynningu segir að umboðsmönnum þeirra stjórnmálasamtaka sem buðu fram við alþingiskosningarnar verði gefinn kostur á að mæta til fundarins, sem haldinn verði í fyrirlestrasal Stofnunar Árna Magnússonar í íslenskum fræðum, Eddu. Einnig verður hægt að fylgjast með í beinu streymi í spilaranum hér að neðan:

Gera má ráð fyrir að stjórnarmyndunarviðræðum Samfylkingarinnar, Viðreisnar og Flokks fólksins verði haldið áfram í dag. Stíf fundarhöld fóru fram í gær og í Facebook-færslu rétt fyrir miðnættið sagði Inga Sæland, formaður Flokks fólksins, að dagurinn hefði verið frábær og að allt gangi samkvæmt áætlun.

Fyrr um kvöldið lét hún hafa eftir sér í kvöldfréttum Stöðvar 2 að hún vonaðist til að hægt yrði að ljúka viðræðunum fyrir jól.

Alþingiskosningar 2024 Alþingi

Tengdar fréttir

Vonar að ný stjórn verði komin fyrir jól

Inga Sæland formaður Flokks fólksins er bjartsýn á að ný ríkisstjórn hennar flokks, Samfylkingar og Viðreisnar verði tekin við völdum fyrir jól. Vel hafi gengið í viðræðum og nokkur ágreiningsefni nú þegar verið leyst.

Mest lesið


Fleiri fréttir

Sjá meira


×

Mest lesið