Þegar stelpurnar okkar unnu Þjóðverja Ingvi Þór Sæmundsson skrifar 3. desember 2024 12:31 Íslendingar fagna sigrinum frækna á Þjóðverjum á HM 2011. Hrafnhildur Skúladóttir brosir breitt en hún skoraði fimm mörk í leiknum. pjetur Íslenska kvennalandsliðið í handbolta mætir Þýskalandi í úrslitaleik um sæti í milliriðli á EM 2024 í kvöld. Til að brýna sig fyrir leikinn mikilvæga geta stelpurnar okkar rifjað upp eftirminnilegan sigur á Þjóðverjum á HM 2011. Þann 7. desember 2011 vann íslenska kvennalandsliðið í handbolta einn sinn fræknasta sigur þegar það lagði Þýskaland að velli, 26-20, í fjórða og næstsíðasta leik sínum í A-riðli á HM í Brasilíu. Tvær í íslenska landsliðshópnum í dag voru í liðinu sem vann Þýskaland fyrir þrettán árum: Rut Jónsdóttir og Þórey Rósa Stefánsdóttir. Rut skoraði fjögur mörk í leiknum og Þórey Rósa þrjú. Þjálfari Íslands á HM 2011 var Ágúst Jóhannsson, núverandi aðstoðarþjálfari liðsins. Ísland vann óvæntan sigur á Svartfjallalandi í fyrsta leik sínum á HM 2011, 21-22, en tapaði næstu tveimur leikjum; 24-28 gegn Angóla og 27-14 fyrir Noregi. Liðið var því með tvö stig líkt og Þýskaland fyrir leik liðanna í Santos. Útlitið var ekki bjart fyrir íslenska liðið framan af leik enda lenti það sjö mörkum undir, 4-11, eftir sautján mínútur. Íslendingar héldu þó ró sinni og unnu sig aftur inn í leikinn. Þeir skoruðu níu af síðustu tíu mörkum fyrri hálfleiks og leiddu eftir hann, 13-12. Seinni hálfleikurinn var lengst af spennandi og þegar þrettán mínútur voru eftir komst Þýskaland yfir, 17-18. En Karen Knútsdóttir skoraði næstu fjögur mörk Íslands af vítalínunni og kom liðinu aftur í bílstjórasætið. Íslendingar lönduðu á endanum sex marka sigri, 26-20. Vörnin var frábær en síðustu 43 mínútur leiksins skoruðu Þjóðverjar aðeins níu mörk. Á meðan gerðu Íslendingar 22. „Maður gefst aldrei upp og heldur alltaf áfram. Við fórnuðum okkur í þetta og náðum þessu góðum vörnum sem skiluðu okkur hraðaupphlaupum. Þetta var mjög góður leikur hjá okkur,“ sagði Anna Úrsúla Guðmundsdóttir sem átti stórleik í íslensku vörninni ásamt Stellu Sigurðardóttur. Þá reyndust markverðirnir Guðný Jenný Ásmundsdóttir og Sunneva Einarsdóttir mikilvægar og vörðu samtals tólf skot. Karen fór mikinn í leiknum og skoraði níu mörk, flest allra á vellinum. Hrafnhildur Skúladóttir átti einnig góðan leik og skoraði fimm mörk. „Við byrjuðum illa en sýndum mikinn karakter með því að koma til baka. Svo var ekki aftur snúið. Það var mikill vilji og hungur í liðinu,“ sagði Ágúst sigurreifur í leikslok. Hans beið mikil þrekraun eftir leikinn því hann hafði lofað íslensku leikmönnunum að hlaupa upp allar tuttugu hæðirnar á liðshóteli ef sigur myndi vinnast. Íslendingar tryggðu sér svo sæti í sextán liða úrslitum HM með því að vinna Kínverja í lokaleik sínum, 16-23. Ásamt Íslandi komust Noregur, Angóla og Svartfjallaland upp úr A-riðli en Þýskaland sat eftir með sárt ennið þrátt fyrir að hafa unnið Noreg í fyrsta leik sínum á mótinu. Í sextán liða úrslitunum mættu Íslendingar ógnarsterkum Rússum. Íslenska liðið stóð í því rússneska í fyrri hálfleik og munurinn að honum loknum var aðeins þrjú mörk, 15-12. En í seinni hálfleik gáfu Rússar í og unnu á endanum ellefu marka sigur, 30-19. Íslendingar þurftu að bíða í tólf ár eftir því að spila næst á HM. Fyrir ári var Ísland hársbreidd frá því að komast í milliriðla á HM 2023 en tryggði sér Forsetabikarinn með því að vinna síðustu fjóra leiki sína á mótinu. Núna, ári seinna, er íslenska liðið aftur í þeirri stöðu að geta tryggt sér sæti í milliriðli, að þessu sinni á EM. Og væri ekki upplagt að endurtaka leik gömlu hetjanna frá því í Brasilíu 2011? EM kvenna í handbolta 2024 Landslið kvenna í handbolta Mest lesið Íslenskt stuðningsfólk varar við svindli í höllinni Handbolti HM í dag: Forseti IHF sagður hafa beðið Þorgerði Katrínu um að afhenda verðlaunin Handbolti Stærsta blað Slóveníu: Sársaukafull kennslustund Handbolti Ósáttur afi Sölva skildi ekki hvernig Arnar gat rekið hann í beinni Íslenski boltinn Einkunnir Strákanna okkar á móti Slóveníu: Viktor! Gísli! Hallgrímsson! Handbolti Viktor óskar eftir hárgreiðslumanni í Zagreb Handbolti Solskjær: Lét mig vinna launalaust Fótbolti Hræddist Alfreð en þarf að horfast í augu við hann í kvöld Handbolti Óvænt rekinn með símtali rétt áður en Elísabet tók við Fótbolti „Hann á eftir að verða betri, áttiði ykkur á því“ Handbolti Fleiri fréttir Grjóthörð Díana spilaði ristarbrotin Aldrei í sögunni skorað eins fá mörk og gegn Viktori Viktor óskar eftir hárgreiðslumanni í Zagreb „Mér fannst Aron snúa algjörlega okkar sóknarleik við“ Hræddist Alfreð en þarf að horfast í augu við hann í kvöld „Þú þarft að vera dálítið leiðinlegur“ HM í dag: Forseti IHF sagður hafa beðið Þorgerði Katrínu um að afhenda verðlaunin Haukar og Valur sluppu við að mætast „Hann á eftir að verða betri, áttiði ykkur á því“ Íslenskt stuðningsfólk varar við svindli í höllinni Stærsta blað Slóveníu: Sársaukafull kennslustund Myndasyrpa frá mögnuðum varnarsigri á Slóveníu Skýrsla Vals: Viktor og virkisveggurinn Samfélagsmiðlar yfir sigrinum á Slóveníu: „Viktor Gísli bestur í heimi eða?“ Allt jafnt hjá Svíum og Spánverjum Einkunnir Strákanna okkar á móti Slóveníu: Viktor! Gísli! Hallgrímsson! „Hann veit á hvaða takka á að ýta til að fá mig í gang“ Ísland byrjar á Egyptum og spilar tvo kvöldleiki Tölfræðin á móti Slóveníu: Markvarsla og vörn í heimsklassa „Slökum aðeins á og spörum fyrirsagnirnar“ „Þá er helvíti leiðinlegt að spila á móti okkur“ „Nú erum við í aðstöðu til að láta vaða“ Umfjöllun: Slóvenía - Ísland 18-23 | Himneskur Viktor og íslensk vörn í lykilsigri á HM Grænhöfðaeyjar og Síle í milliriðil „Þeir eru með hraða tætara“ Hitað upp í Zagreb fyrir risaleik við Slóvena Harmur Egypta gæti orðið Íslendingum til happs Höfum aldrei unnið fyrrum Júgóslavíuþjóð í gömlu Júgóslavíu Gætið ykkar: Nýi Balic sem fékk ekki númerið hans Arons „Núna byrjar alvaran“ Sjá meira
Þann 7. desember 2011 vann íslenska kvennalandsliðið í handbolta einn sinn fræknasta sigur þegar það lagði Þýskaland að velli, 26-20, í fjórða og næstsíðasta leik sínum í A-riðli á HM í Brasilíu. Tvær í íslenska landsliðshópnum í dag voru í liðinu sem vann Þýskaland fyrir þrettán árum: Rut Jónsdóttir og Þórey Rósa Stefánsdóttir. Rut skoraði fjögur mörk í leiknum og Þórey Rósa þrjú. Þjálfari Íslands á HM 2011 var Ágúst Jóhannsson, núverandi aðstoðarþjálfari liðsins. Ísland vann óvæntan sigur á Svartfjallalandi í fyrsta leik sínum á HM 2011, 21-22, en tapaði næstu tveimur leikjum; 24-28 gegn Angóla og 27-14 fyrir Noregi. Liðið var því með tvö stig líkt og Þýskaland fyrir leik liðanna í Santos. Útlitið var ekki bjart fyrir íslenska liðið framan af leik enda lenti það sjö mörkum undir, 4-11, eftir sautján mínútur. Íslendingar héldu þó ró sinni og unnu sig aftur inn í leikinn. Þeir skoruðu níu af síðustu tíu mörkum fyrri hálfleiks og leiddu eftir hann, 13-12. Seinni hálfleikurinn var lengst af spennandi og þegar þrettán mínútur voru eftir komst Þýskaland yfir, 17-18. En Karen Knútsdóttir skoraði næstu fjögur mörk Íslands af vítalínunni og kom liðinu aftur í bílstjórasætið. Íslendingar lönduðu á endanum sex marka sigri, 26-20. Vörnin var frábær en síðustu 43 mínútur leiksins skoruðu Þjóðverjar aðeins níu mörk. Á meðan gerðu Íslendingar 22. „Maður gefst aldrei upp og heldur alltaf áfram. Við fórnuðum okkur í þetta og náðum þessu góðum vörnum sem skiluðu okkur hraðaupphlaupum. Þetta var mjög góður leikur hjá okkur,“ sagði Anna Úrsúla Guðmundsdóttir sem átti stórleik í íslensku vörninni ásamt Stellu Sigurðardóttur. Þá reyndust markverðirnir Guðný Jenný Ásmundsdóttir og Sunneva Einarsdóttir mikilvægar og vörðu samtals tólf skot. Karen fór mikinn í leiknum og skoraði níu mörk, flest allra á vellinum. Hrafnhildur Skúladóttir átti einnig góðan leik og skoraði fimm mörk. „Við byrjuðum illa en sýndum mikinn karakter með því að koma til baka. Svo var ekki aftur snúið. Það var mikill vilji og hungur í liðinu,“ sagði Ágúst sigurreifur í leikslok. Hans beið mikil þrekraun eftir leikinn því hann hafði lofað íslensku leikmönnunum að hlaupa upp allar tuttugu hæðirnar á liðshóteli ef sigur myndi vinnast. Íslendingar tryggðu sér svo sæti í sextán liða úrslitum HM með því að vinna Kínverja í lokaleik sínum, 16-23. Ásamt Íslandi komust Noregur, Angóla og Svartfjallaland upp úr A-riðli en Þýskaland sat eftir með sárt ennið þrátt fyrir að hafa unnið Noreg í fyrsta leik sínum á mótinu. Í sextán liða úrslitunum mættu Íslendingar ógnarsterkum Rússum. Íslenska liðið stóð í því rússneska í fyrri hálfleik og munurinn að honum loknum var aðeins þrjú mörk, 15-12. En í seinni hálfleik gáfu Rússar í og unnu á endanum ellefu marka sigur, 30-19. Íslendingar þurftu að bíða í tólf ár eftir því að spila næst á HM. Fyrir ári var Ísland hársbreidd frá því að komast í milliriðla á HM 2023 en tryggði sér Forsetabikarinn með því að vinna síðustu fjóra leiki sína á mótinu. Núna, ári seinna, er íslenska liðið aftur í þeirri stöðu að geta tryggt sér sæti í milliriðli, að þessu sinni á EM. Og væri ekki upplagt að endurtaka leik gömlu hetjanna frá því í Brasilíu 2011?
EM kvenna í handbolta 2024 Landslið kvenna í handbolta Mest lesið Íslenskt stuðningsfólk varar við svindli í höllinni Handbolti HM í dag: Forseti IHF sagður hafa beðið Þorgerði Katrínu um að afhenda verðlaunin Handbolti Stærsta blað Slóveníu: Sársaukafull kennslustund Handbolti Ósáttur afi Sölva skildi ekki hvernig Arnar gat rekið hann í beinni Íslenski boltinn Einkunnir Strákanna okkar á móti Slóveníu: Viktor! Gísli! Hallgrímsson! Handbolti Viktor óskar eftir hárgreiðslumanni í Zagreb Handbolti Solskjær: Lét mig vinna launalaust Fótbolti Hræddist Alfreð en þarf að horfast í augu við hann í kvöld Handbolti Óvænt rekinn með símtali rétt áður en Elísabet tók við Fótbolti „Hann á eftir að verða betri, áttiði ykkur á því“ Handbolti Fleiri fréttir Grjóthörð Díana spilaði ristarbrotin Aldrei í sögunni skorað eins fá mörk og gegn Viktori Viktor óskar eftir hárgreiðslumanni í Zagreb „Mér fannst Aron snúa algjörlega okkar sóknarleik við“ Hræddist Alfreð en þarf að horfast í augu við hann í kvöld „Þú þarft að vera dálítið leiðinlegur“ HM í dag: Forseti IHF sagður hafa beðið Þorgerði Katrínu um að afhenda verðlaunin Haukar og Valur sluppu við að mætast „Hann á eftir að verða betri, áttiði ykkur á því“ Íslenskt stuðningsfólk varar við svindli í höllinni Stærsta blað Slóveníu: Sársaukafull kennslustund Myndasyrpa frá mögnuðum varnarsigri á Slóveníu Skýrsla Vals: Viktor og virkisveggurinn Samfélagsmiðlar yfir sigrinum á Slóveníu: „Viktor Gísli bestur í heimi eða?“ Allt jafnt hjá Svíum og Spánverjum Einkunnir Strákanna okkar á móti Slóveníu: Viktor! Gísli! Hallgrímsson! „Hann veit á hvaða takka á að ýta til að fá mig í gang“ Ísland byrjar á Egyptum og spilar tvo kvöldleiki Tölfræðin á móti Slóveníu: Markvarsla og vörn í heimsklassa „Slökum aðeins á og spörum fyrirsagnirnar“ „Þá er helvíti leiðinlegt að spila á móti okkur“ „Nú erum við í aðstöðu til að láta vaða“ Umfjöllun: Slóvenía - Ísland 18-23 | Himneskur Viktor og íslensk vörn í lykilsigri á HM Grænhöfðaeyjar og Síle í milliriðil „Þeir eru með hraða tætara“ Hitað upp í Zagreb fyrir risaleik við Slóvena Harmur Egypta gæti orðið Íslendingum til happs Höfum aldrei unnið fyrrum Júgóslavíuþjóð í gömlu Júgóslavíu Gætið ykkar: Nýi Balic sem fékk ekki númerið hans Arons „Núna byrjar alvaran“ Sjá meira