Sigdís Eva opnaði markareikninginn og Hlín skoraði tvö

Sigdís Eva Norrköping í 1-0 á 21. mínútu leiksins. Norrköping varð þó að sætta sig við 2-3 tap.

Sigdís spilaði fyrstu 59 mínútur leiksins og fór af velli í stöðinni 1-0. Efrir að hún fór af velli komst AIK í 2-1 og svo aftur í 3-2 eftir að Norrköping jafnaði.

Sigdís fór frá Víkingum á miðju tímabili og er því að hefja atvinnumannaferil sinn. Þetta var hennar sjöundi leikur í deildinni en sá fyrsti byrjunarliðinu í deildarleik.

Katla Tryggvadóttir lagði upp tvö mörk í 5-0 sigri Kristianstad á Trelleborg. Remy Siemsen skoraði þrennu í leiknum en Katla lagði upp tvö síðustu mörkin hennar. Guðný Árnadóttir var einnig í byrjunarliði Kristianstad.

Hlín Eiríksdóttir skoraði fjórða mark Kristianstad á 75. mínútu og fimmta markið síðan í uppbótatíma. Þessi mörk tvö mörk þýða að hún er komin með fimmtán mörk og er næstmarkahæst í deildinni.

María Ólafsdóttir Gros lagði upp mark fyrir Linköping í 3-2 sigri á Vittsjö. Linköping komst í 3-0 í leiknum en María lagði upp fyrsta markið fyrir Irene Dirdal á 21. mínútu. Aimee Claypole og Lisa Björk bættu við mörkin en Vittsjö tókst næstum því að jafna metin.

Bryndís Arna Níelsdóttir var í byrjunarliði Växjö í 2-1 útisigri á Örebro í Íslendingaslag. Hún fór af velli í hálfleik í stöðunni 1-0 fyrir Örebro. Katla María Þórðardóttir kom inn á sem varamaður hjá Örebro á 61. mínútu og Áslaug Sigurbjörnsdóttir á 85. mínútu.

Þórdís Elva Ágústsdóttir spilaði síðustu sextán mínúturnar fyrir Växjö en liðið skoraði sigurmarkið stuttu eftir að hún kom inn á völlinn.

Guðrún Arnardóttir og félagar í Rosengård, hafa fyrir löngu tryggt sér sænska meistaratitilinn en þær unnu 3-0 sigur á Djurgården í dag. Guðrún var að venju í miðju varnarinnar.

Momoko Tanikawa, Olivia Schough og Bea Sprung skoruðu mörkin í þessum 25. sigri Rosengård í 26 leikjum.