Bikardraumurinn lifir góðu lífi hjá Íslendingaliðinu Inter

Cecilía Rán Rúnarsdóttir stóð milli stanganna hjá Inter og hélt markinu hreinu í fyrri hálfleik. Telma Ívarsdóttir var til taks á varamannabekknum en hún þurfti ekki að klæða sig í hanskana.

Karólína Lea Vilhjálmsdóttir kom inn á í hálfleik fyrir Inter en seinni hálfleikurinn fór illa af stað hjá liðinu.

Á 52. mínútu tók Giada Greggi forystuna fyrir heimalið Roma og þannig stóð staðan alveg fram á 88. mínútu.

Þá skoraði Tessa Wullaert mikilvægt jöfnunarmark úr vítaspyrnu fyrir Inter.

Staðan í einvíginu er því jöfn og Inter spilar seinni leikinn á heimavelli. Hinumegin er Juventus með 2-0 forystu gegn Fiorentina.