Ný könnun, frægir á þing og Ís­lands­met í aug­sýn

Þá heyrum við í leiðtogum flokka sem gætu komið nýir inn á Alþingi. Tveir fyrrverandi forsetaframbjóðendur gefa kost á sér fyrir Lýðræðisflokkinn og Græningjar leita að þjóðþekktum einstaklingi. Sósíalistar hafa augastað á Sólveigu Önnu Jónsdóttur, formanni Eflingar.

Viðskiptaráð birti í dag úttekt á skólakerfinu sem ráðið segir renna stoðum undir orð borgarstjóra um kennara sem vöktu hörð viðbrögð. Framkvæmdastjóri Viðskiptaráðs mætir í myndver og fer yfir málið í beinni.

Við kynnum okkur einnig endurbætur á Stuðlum eftir brunann, kíkjum til Grindavíkur sem var opnuð upp á gátt í dag og ræðum við jarðfræðing í beinni um næsta eldgos sem styttist líklega í.

Í Sportpakkanum verðum við í beinni frá bakgarðshlaupinu þar sem Íslandsmet er í sjónmáli og í Íslandi í dag kíkir Sindri Sindrason í morgunkaffi til seðlabankastjóra.