Hvaldí­mír drapst af völdum bakteríu­sýkingar

Þegar mjaldurinn fannst dauður í ágúst rétt fyrir utan Tananger í Rogaland í Noregi voru nokkur göt eða holur á honum sem þóttu benda til þess að hann hefði verið skotinn. Holurnar, eða sárin, voru við magann, bringuna og uggann. Dýraverndunarsamtökin One Whale og Noah tilkynntu málið til lögreglu í Noregi og vildu fá málið rannsakað. Hvaldimír var fimmtán til tuttugu ára gamall en hvalir af þessari tegund geta orðið allt að sextugir. Frétt NRK er hér. 

Í bráðabirgðakrufningarskýrslu sem gefin var út í september kom fram að það þætti ekki líklegt og það var það svo staðfest núna í lokakrufningarskýrslunni. Haft er eftir Audun Rikardsen prófessor í sjávarlíffræði að nokkuð algengt sé að finna slíkar holur á dauðum hvölum.

„Fuglar eru fljótir að gogga holur í hvali, þeir gogga þar sem húðin er þunn. Þessar holur geta einnig komið vegna sníkjudýrs sem grefur sig inn í húð hvalsins,“ segir Rikardsen.

Sjá einnig: Njósnamjaldurinn nefndur Hvaldimir

Hann útskýrir einnig að þegar hvalur drepst myndast gas í maganum og hvalurinn stækkar eftir því sem hann rotnar meira. Eftir því sem hann stækkar meira eykst þrýstingurinn innan í honum. Þessar holur opnist á endanum, springi og úr þeim flæði blóð.

„Hann var líklega að leika sér með þetta prik en festi það svo í hálsi.“

Líffærin rotin

Í yfirlýsingu frá norsku lögreglunni um málið kemur fram að ítarleg skoðun hefði farið fram á mjaldrinum og að ekkert benti til þess að hann hefði verið drepinn með ólöglegum hætti. Lögreglan sæi því ekki tilefni til að opna rannsókn vegna dauða mjaldursins.

Þó kemur fram að dýralækningastofnunin hafi átt í nokkrum vandræðum með að komast að niðurstöðu um dánarorsök vegna þess að mörg líffæri hvalsins voru mjög rotin. Krufning hafi leitt í ljós að magi hans var tómur þegar hann fannst og að líffærin hafi flest verið búin að gefa sig.

„Ég er ánægður að það er búið að skoða þetta svona vel og að við höfum nú fengið lokasvar,“ er haft eftir sjávarlíffræðingnum Sebastian Strand í frétt NRK. Strand vann með mjaldrinum í mörg ár. Hann segir Hvaldímír hafa veitt sér innblástur og að hann muni halda áfram rannsóknum sínum.

Fram kemur í frétt NRK að bæði Strand og Rikardsen hefðu borist líflátshótanir eftir að Hvaldímír fannst látinn. Þeir voru sakaðir um að hafa drepið hvalinn

Njósnamjaldurinn þjálfaður til hernaðar

Hvaldímír komst fyrst í fréttirnar árið 2019 þegar norskir sjómenn fundu úti fyrir Finnmörku í maí 2019.

Beisli sem Hvaldímír hafði utan um sig þótti benda til þess að mjaldurinn hefði verið þjálfaður af rússneska sjóhernum, mögulega til njósna. Rússar gáfu lítið fyrir þessar skýringar. Mjaldrinum var í þeirri umræðu gefið nafnið Hvaldímír. Hval (borið fram „vall“) þýðir, eins og margir vita, hvalur á norsku en nafnið er líka orðaleikur að nafni Vladímírs Pútín Rússlandsforseta.

Hvaldimir sást víða í norskum fjörðum síðustu ár ævi hans eftir að hafa vakið heimsathygli. Lék hann listir sínar, leyfði fólki að klappa sér og synti eftir fiski.

Til umræðu kom að flytja Hvaldimir til Íslands til að auka lífslíkur.