Færri ferða­menn þýðir lægri dag­peningar ríkis­starfs­manna

Ferðakostnaður innanlands er reiknaður út frá verðkönnun þar sem kannað er vænt verð á algengum gististöðum, á höfuðborgarsvæðinu og utan þess. Almennt er ferðakostnaði innanlands breytt tvisvar sinnum á ári, að vori og að hausti, til þess að endurspegla árstíðarsveiflu í kostnaði gistingar.

Frá 1. október verða dagpeningar eftirfarandi:

• Gisting og fæði í einn sólarhring kr. 40.000
• Gisting í einn sólarhring kr. 23.400
• Fæði hvern heilan dag, minnst 10 tíma ferðalag kr. 16.600
• Fæði í hálfan dag, minnst 6 tíma ferðalag kr. 8.300

Athygli er vakin á að meginreglan er að greiða skal kostnað vegna ferðalaga innanlands, s.s. fargjöld, fæði og gistingu, eftir reikningi. Fæðiskostnaður er uppreiknaður miðað við breytingar á viðeigandi vísitölu sem útgefin er af Hagstofu Íslands.

Dagpeningar fyrir gistingu og fæði lækka töluvert frá því sem var 1. júní. Ástæðan er hærra verð á gistingu yfir sumartímann þegar fjöldi ferðamanna þrýstir verðinu upp.

Dagpeningar í sumar voru eftirfarandi:

• Gisting og fæði í einn sólarhring kr. 54.400
• Gisting í einn sólarhring kr. 38.100
• Fæði hvern heilan dag, minnst 10 tíma ferðalag kr. 16.300
• Fæði í hálfan dag, minnst 6 tíma ferðalag kr. 8.150