Sport

Marlena er sigur­vegari Bakgarðshlaupsins

Garpur I. Elísabetarson skrifar
Marlena Radziszewka er sigurvegari Bakgarðshlaupsins.
Marlena Radziszewka er sigurvegari Bakgarðshlaupsins.

Áttunda Bakgarðshlaupið fór fram í Heiðmörk um helgina en rúmlega 250 þáttakendur voru skráðir til leiks. Mikil spenna var fyrir hlaupinu og margir af sterkustu hlaupurum landsins tóku þátt. Fylgst var með í beinni útsendingu og vaktinni hér að neðan.

Bakgarðshlaupið hófst klukkan níu á laugardagsmorgun og verður í beinni útsendingu á Vísi alla helgina. 

Eftir fyrstu nóttina voru tíu hlauparar enn að.

Hlaupararnir fengu eina klukkustund til að hlaupa 6,7 kílómetra langan hring og var hlaupið þar til einungis einn var eftir. Mari Järsk sigraði hlaupið sem fór fram í Öskjuhlíðinni í vor en þá hljóp hún 382 kílómetra.

Í ár var það Marlena Radziszewska sem bar sigur úr býtum, en hún hljóp 38 hringi, eða 254,6 kílómetra. Þetta var í annað sinn sem Marlena fagnar sigri í hlaupinu.

  • Árið 2020: Þorleifur Þorleifsson - 25 hringir
  • Árið 2021: Mari Järsk - 25 hringir
  • Árið 2022 Öskjuhlíð: Mari Järsk - 43 hringir
  • Árið 2022 Heiðmörk: Kristján Svanur Eymundsson - 32 hringir
  • Árið 2023 Öskjuhlíð: Guðjón Ingi Sigurðsson - 31 hringur
  • Árið 2023 Heiðmörk: Marlena Radziszewska - 38 hringir
  • Árið 2024 Öskjuhlíð: Mari Järsk - 57 hringir
  • Árið 2024 Heiðmörk: Marlena Radziszewska - 38 hringir

Marlena fékk góða samkeppni frá Þórdísi Ólöfu Jónsdóttur sem hljóp 37 hringi. Þórdís var að taka þátt í hlaupinu í annað sinn og bætti sig um 22 hringi milli hlaupa.

Fylgst var með gangi mála í Vaktinni hér fyrir neðan: 

Ef Vaktin birtist ekki er ráð að endurhlaða (e.refresh) síðuna.

Bakgarðshlaup Hlaup

Mest lesið


Fleiri fréttir

Sjá meira
×

Mest lesið