Eldur í einu her­bergi í í­búðar­hús­næði á Hall­gerðar­götu

Samkvæmt upplýsingum frá Slökkviliði höfuðborgarsvæðisins var mikill eldur í einu herbergi og eru þar miklar skemmdir. 

Ekki er vitað um eldsupptök að svo stöddu. Slökkvilið er búið að slökkva eldinn og vinnur nú að því að reykræsta íbúðina. Að því loknu er vettvangurinn afhendur lögreglu til rannsóknar. 

„Það kom upp eldur í einu herbergi í íbúð. Staðbundinn við eitt herbergi,“ segir Bernódus Sveinsson varðstjóri hjá slökkviliðinu á höfuðborgarsvæðinu.

Hann segir alla hafa komist út af sjálfsdáðum og að eldurinn hafi verið nokkuð kæfður þegar slökkvilið kom á vettvang. Viðtal við Bernódus má sjá hér að neðan. 

Sérsveit bauð fram aðstoð

Sérsveit ríkislögreglustjóra var á vettvangi brunans en samkvæmt upplýsingum frá Helenu Rós Sturludóttur, samskiptastjóra ríkislögreglustjóra, var hún nærri vettvangi þegar útkallið var sent út og bauð fram aðstoð sína. Liðsmenn þurftu þó ekki að aðhafast neitt á vettvangi. 

Fréttin hefur verið uppfærð.