Rúður brotnar í Rima­skóla

Þetta er meðal þess sem kemur fram í dagbókarfærslu lögreglu fyrir gærkvöldið og nóttina.

Þar segir einnig frá tilkynningu um mann sem væri að berja íbúðarhúsnæði að utan og húsráðandi þekkti ekki. Þegar lögregla hafi verið á leið á vettvang hafi húsráðandi hringt aftur á lögregluna og tilkynnt að maðurinn hefði brotið sér leið inn í sameign hússins.

Maðurinn hafi verið handtekinn þegar lögregla kom á vettvang og vistaður í fangaklefa þar til unnt verður að ræða við hann, en hann hafi verið undir miklum áhrifum fíkniefna.

Þá segir frá því að tvær tilkynningar hafi borist um ógnandi og erfiðan mann í miðbæ Reykjavíkur. Þegar lögregla hafi haft upp á manninum hafi komið í ljós að um góðkunningja lögreglu væri að ræða. Vel hafi gengið að ræða við hann og hann hafi þegið far heim til sín.